Loma 8:9 - Chipangano Chabwangu

⁹ Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Loma 8:9 ပူးပေါင်းရင်းမြစ်များ

Luka 11:13

Nomba nga mwebo mwe babi mfi mwalishiba ukopela abana benu ifiweme, mba Bawishinwe aba mumulu kuti bafilwa shani kupela Umupashi Wabuta kuli bo abakomulomba!”

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

Yohane 3:6

Uufyalwa kumuntu muntu, kuntu uufyalwa ku Mupashi Wabuta wamupashi.

Imilimo ya batumwa 16:7

Ulo bafikile kumupaka wa Misiya, balikufwaya ukuya muchalo cha Bitiniya, kuntu Umupashi waku Yesu tawabasuminishepo.

Loma 7:5

Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.

Loma 8:1

Nomba kuli bo abachetekela muli Klistu Yesu takupo umulandu.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 15:23

Ukubako umuntu onse akubuka panshita yakwe: Uwakwambilapo ni Klistu, elo panshita yakwisa kwakwe abantu bakwe nabo bakwisa kubuka kubafwa.

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 6:17

Nomba uwilundanya kuli Bashikulu balaba umo na Bashikulu mu Mupashi.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

2 Kolinto 10:7

Mwebo mukobona ifintu panse bwaka. Napo pali umo ukolanguluka ukuti waku Klistu? Chiweme, nomba eshibe ati nga ali uwaku Klistu, nafwe tuli abaku Klistu.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 2:22

Muli Ye namwebo mukoyimakwa pamo nabambi bonse ukuti mube inanda yakwikalamo Lesa mu Mupashi Wabuta.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Filipi 1:19

Elo nshakalekepo ukutemwa pakuti ndishibile ati mukulomba kwenu nokwafwilisha kwa Mupashi uwapelwa na Yesu Klistu nakukakulwa.

2 Timoti 1:14

Ulame bwino ifiweme ifyapelwe kuli webo ukufuma ku Mupashi Wabuta uwaba muli webo.

1 Petulo 1:11

Umupashi waku Klistu uwayikala muli bo wasosele kabela ifyakufinya ifyo Klistu akuumfwa, elo nefyamuchinshi uwo akuba nawo panuma. Abasoseshi mbalya balikufwayilisha ukwishiba ulo mfi fyakuchitika, namunshila ndo.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.

1 Yohane 4:13

Tulishibile ukuti tuli muli Lesa na Ye aba muli fwebo pakuti alitupela Umupashi wakwe.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 20:15

Elo bonse abatasangilwemo mwibuku lyabumi, baliposelwe muli bemba wamulilo.