Loma 8:39 - Chipangano Chabwangu

³⁹ nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

Loma 8:39 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 11:33

Ama, ati ukukula ubuchindami bwaku Lesa! Mba ninani uungaulinga umulangwe namano akwe? Ninani uwingalondolola ukufwaya kwakwe? Elo ninani uwingomfwikisha inshila shakwe?

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:35

Mba ninani uwakutulekanya mukutemwa kwaku Klistu? Napo fyakutuchusha nangula ifyabwafya, nalimo amachushi nangula insala, ububusu nangula ifitinya, nangula imfwa?

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Kolinto 2:11

Ichikulu chakuti Satana etuchengeleka pakuba tulishibile inshila shakwe.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Filipi 3:12

Nshikososa ukwebati nalifikapo kale pali mfi nangu ukwebati ndiwalungama kale iyowo. Nomba ndesha ukwebati nkapoke ichilambu icho Klistu Yesu achimfishe kale ukuti mbe uwakwe.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

2 Tesalonika 2:4

Engulya uukotalikana na Lesa nokuyibika pamulu pali fyonse fikoyitwa ati balesa nangula ifyo balomba. Akwibika namunanda yaku Lesa. Elo akuyita ati ni Lesa mwine.

1 Yohane 4:16

Nafwe bene twalishiba nokuchetekela ukutemwa akwata muli fwebo. Lesa kutemwa. Umuntu onse uwakwata ukutemwa ali muli Lesa na Lesa muli ye.

1 Yohane 4:19

Twalitemwa pakuti Lesa ewatatikile ukututemwa.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 19:20

Ichiswango nchilya chalikakilwe pamo nabasoseshi ababufi abachitile ifintu ifikulu pamenso akwe. (Ukupitila mufintu ifyafiso ifikulu mfi achitile, alibepele abantu abo abakwete ichishibilo ichachiswango nambalya abalombele ichimpasho ichachiswango.) Ichiswango nabasoseshi ababufi baliposelwe abomi muli bemba wamulilo uwalikwaka nasilubale.

Ukufisulula 2:24

“Nomba mwebo bambi bonse ababa mu Tiyatila, mwe batakonkelepo ukusambisha nku ukubi, mwe batasambililepo ifyo basosa ati, ‘Ubumfishi ubwachine ubwakwa Satana,’ tanshalundepo amafunde nayambi.

Ukufisulula 20:3

Umungelo alichiposele muchilindi ichitapelapo. Alichisalila mwenkamo, alishinkile nokubikapo ichishibilo ukuti chilokubepapo abantu ukufikila imyaka ikana limo ikashile. Panuma akwisa kukakulwa pakanshita kanini.

Ukufisulula 20:7

Nga yashila imyaka ikana limo, Satana akukakulwa ukufuma muchifungo.