Loma 8:30 - Chipangano Chabwangu

³⁰ Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

Loma 8:30 ပူးပေါင်းရင်းမြစ်များ

Yohane 17:22

Ukubati nimfilya mwanchinshika, nandibo nkobachinshika ukuti babe umo ukubati nimfilya nafwe twaba umo.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Loma 1:6

Namwe muli bamo abayitwa na Lesa ukuti mube abaku Yesu Klistu.

Loma 11:29

Pakuti Lesa taulula malangulushi akwe ulo asala nokushukisha umuntu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:21

ukwebati ifibumbwa mfi akasuba kamo, fyakulubulwa kubusha ubwakubola, fyakupokelela ubuleme bwabwanalale kubati bana baku Lesa.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

1 Kolinto 1:2

Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Galatiya 1:15

Nomba Lesa umwine alinsalile kale nokunjita ulo nshilafyalwapo.

Galatiya 1:6

Ndishimbilwe ukwinekantu pakuti mwaendesha ukusha Lesa uyo uwamwitile mubwanshi bwaku Yesu nokukonka ubutumi bumbi.

Galatiya 5:8

Ukuchengelekwa kwenu nku takwafuminepo kuli Lesa uyo uwamwitile.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 1:5

Lesa alipekenye kale mukufwaya kwakwe ukuti tube abana bakwe muli Yesu Klistu.

Efeso 2:6

Pakusangwa muli Klistu Yesu, Lesa alitubushishe kubafwa pamo nakwe. Elo alitupele ichifulo chamuchinshi kumulu pamo nakwe.

Efeso 3:11

Lesa alichitile mfi ukuti nachine fichitike muli Klistu Yesu Bashikulu wesu ifyo asosele kale inshita tayilatatika.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

2 Timoti 2:11

Amashiwi nga yachine, “Nga twalifwile pamo nakwe, twakuba nobumi pamo nakwe.

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”