Loma 8:29 - Chipangano Chabwangu

²⁹ Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Loma 8:29 ပူးပေါင်းရင်းမြစ်များ

Mateyo 12:50

Pakuti umuntu uuli onse uuchita ififwaya Bata bakumulu, ewesu, enkashi nakambi ebama.”

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Mateyo 28:10

Epo Yesu abebele ati, “Mwitinapo iyowo, kamuya mukebe bawesu ukuti baye ku Galili, nkulya eko bakoya kumbwena.”

Mateyo 7:23

Elo nandibo nakubasuka ati, ‘Nshimwishibilepo! Fumeni mpa mwe bachita ububi.’

Yohane 17:16

Tabali bamuchalo, ukubati nimfilya nandibo tanshilipo uwamuchalo.

Yohane 17:19

Pamulandu wabo nkoyipela kuli mwebo ukuti nabo bakayipele bonse kuli mwebo mukwebesha.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Loma 11:2

Lesa tabakenepo abantu bakwe, abantu abo asalile kale. Napo tamwishibilepo Amalembo ifyo asosa ulo Eliya alombele ukuti Lesa achushe Baisilaeli.

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

Loma 9:23

Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.

1 Kolinto 15:49

Ukubati ifyo twakwata ichipasho chamuntu wabumbilwe kwiloba, efyo twakukwata ichipasho chaku ngulya uwafumine kumulu.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

1 Kolinto 8:3

Nomba umuntu uwatemwa Lesa, alishibwa na Lesa.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 4:24

Mufwale ubumi bwabwangu ubwalengelwe muchimpashanya chaku Lesa, ubwalungama nobwabuta.

Filipi 3:21

Ye akwalula imibili yesu nji iyabwaka ukwebati ipalane nomubili wakwe uwabuleme. Akuchita mfi kufiso fyakwe mfilya ifyo angalenga ifintu fyonse ukutungululwa na Ye.

Kolose 3:10

Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 1:20

Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.