Loma 8:27 - Chipangano Chabwangu

²⁷ Epo Lesa uwayishiba ifyamumitima yesu, alishiba kale ifyo malangulushi aya Mupashi aba, pakuti Umupashi Wabuta eupapatilako abantu kuli Lesa umo afwayila.

Loma 8:27 ပူးပေါင်းရင်းမြစ်များ

Mateyo 6:8

Mwipalanapo nabo pakuti Bawishinwe bakumulu balishiba ifyo mukochulila ulo mutalabalomba.

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Imilimo ya batumwa 1:24

Elo balombele ati, “Mwe Mfumu, mwebo mwalishiba imitima yabantu bonse. Kanshi tulangeni uyo mwasalapo pali mba babili

Imilimo ya batumwa 15:8

Elo Lesa uwayishiba imitima yabantu, ayilangile ukuti abenafyalo nabo alabapokelela ulo abapela Mupashi Wabuta ukubati nimfilya aupele kuli fwebo.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

1 Tesalonika 2:4

Pali nchi, tusosa ifyo Lesa afwaya inshita yonse pantu alitupingula ukuba abenenene nokubika umulimo wa Butumi Bwawama muli fwebo. Tatusekeshapo bantu iyowo, kuntu Lesa uwesha amalangulushi esu.

Hebele 4:13

Tapapo akantu akafisamika pamenso yaku Lesa, kuntu fyonse fyabafye palwalala nokufisuluka kuli Ye. Elo kuli Ye tulingile ukuebelela ifyo twachitile.

Yemusi 5:16

Echo fisululeni amabifyo enu onse kuli bawenu nokulombela umo nomunakwe. Ukulomba kwamuntu uwakaele kwalikwata ifiso ifikulu.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.