Loma 8:26 - Chipangano Chabwangu

²⁶ Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

Loma 8:26 ပူးပေါင်းရင်းမြစ်များ

Mateyo 10:20

Pakuti temwepo mwalikusosa iyowo, kuntu Mupashi waku Bawishinwe bakumulu ewalikusosela muli mwe.

Mateyo 20:22

Yesu alyasukile ati, “Tamwishibilepo icho mukofumba. Napo mwebo mwinganwenako kulukombo lwamachushi ulo nkoya kunwenako?” Nabo balimwasukile ati, “Ina, kuti twachita.”

Luka 22:44

Mukupenga ukukulu ukwamutima, Yesu alilombele ukuchisha napakubala, ichibe chakwe chapalile ati mulopa walikuswila panshi!]

Yohane 14:16

Elo nakuya kufumba Bata, epo bakoya kumupa kafwa umbi, uwakwikalilila namwe lonse.

Loma 15:1

Nomba fwebo abakosa muchichetekelo tulingile ukwafwilisha abanaka. Twiisekeshapo fwenka.

Loma 7:24

Nebo naba umuntu uwachikonko! Mba ninani uwakumpulusha kubwikashi mbu ubukontwala kumfwa?

Loma 8:15

Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

2 Kolinto 5:2

Echo tutenda nokufunga ukufwikwa inanda yesu nji iyakumulu.

2 Kolinto 5:4

Ulo tuchili muli njino nanda, tulatenda nokulemenwa. Tepamulandu uwakuti tukofwaya ukufula ulusasa ndu iyowo, kuntu ukuti tufwikwe inanda yakumulu pakwebati ichafwa chaaluke ichabumi.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Hebele 5:2

Pakuti umwine ali uwanaka engakwatilako inkumbu bo abateshibilepo akantu, abaluba.

Yemusi 4:3

Nangu amwalomba tamupokelapo, pantu tamulombapo bwino. Ifyo mulomba mufwaya ukuposa bwaka pafintu ifingamusangalasha epela.