Loma 8:16 - Chipangano Chabwangu

¹⁶ Umupashi waku Lesa ulasuminishanya pamo nemitima yesu ulo ikoti tuli bana baku Lesa.

Loma 8:16 ပူးပေါင်းရင်းမြစ်များ

Mateyo 5:9

“Balishuka bo abaleta umutende, pakuti Lesa akubeta abana bakwe.

Luka 20:36

Bakwisa ukubati bangelo. Tekuti bafwepo. Bana baku Lesa pantu balibukile kubafwa.

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Imilimo ya batumwa 5:32

Fwebo tuli bakamboni baku mfi fintu pamo no Mupashi Wabuta uyo Lesa apela bonse abamunakila.”

Loma 8:14

Abo bonse abatungululwa no Mupashi Wabuta bana baku Lesa.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

Loma 8:23

Te fibumbwapo fyenka ifikochula mfi, kuntu nafwebo abakwata Umupashi Wabuta wabafye chabupe ichakubalapo ichaku Lesa, tulomfwa ukufinya muli fwe ukwinekantu. Inshita yonse tukolindila ukuti Lesa atupulushe nokutupokelela nga abana bakwe.

Loma 8:26

Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

Loma 9:26

Elo mufifulo umo baebelwe ati, ‘Tamuli abantu banji,’ emo bakwitwa ‘Abantu baku Lesa uwabumi.’”

Loma 9:8

Ekwebati te bonse abana bakwa Abulahamu ababa bana baku Lesa. Abana bakwe abenenene nimbalya abafyalwa ukulingana nechilayo chaku Lesa.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 1:22

akakatikapo ichishibilo chakwe, nokubika Mupashi Wabuta mumitima yesu ngechishininkisho chamfilya ifikoyisa.

2 Kolinto 5:5

Lesa eutusunga ukwebati tukapoke ifintu mfi. Elo alitupela Umupashi Wabuta nge chishibilo chakwe.

2 Kolinto 6:18

Nakuba Wishinwe, mwebo mwakuba abana banji abalalume nabanakashi, efyo basosa Bashikulu Abafiso fyonse.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Yohane 4:13

Tulishibile ukuti tuli muli Lesa na Ye aba muli fwebo pakuti alitupela Umupashi wakwe.

1 Yohane 5:10

Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.

Ukufisulula 21:7

Umuntu wakuchimfya akupokelela ifintu mfi. Nakuba Lesa wakwe, naye akuba umwana wanji.