Loma 8:15 - Chipangano Chabwangu

¹⁵ Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

Loma 8:15 ပူးပေါင်းရင်းမြစ်များ

Mateyo 25:25

Echo nalitinine. Elo nalile kushika indalama shenu panshi. Tenshi indalama shenu!’

Maliko 14:36

Asosele ati, “Aba, Bata wanji ee, mwebo ifintu fyonse kuti mwafichita, mpokololeniko kulukombo ndu ulwabuchushi. Nomba ifyo nebo nkofwaya tefyopo, kuntu ukufwaya kwenu kuchitike.”

Luka 11:2

Yesu asosele kuli bo ati, “Ulo mukolomba, mulokusosa ati, ‘Bata, ishina lyenu lichinshikwe, Ubufumu bwenu bwise.

Luka 22:42

Elo Yesu alombele ati, “Bata, nga mukofwaya, fumyenipo ndu lukombo lwamachushi pali nebo. Nomba tekufwayapo kwanji, kuntu kufwaya kwenu eko kuchitikwe.” [

Luka 8:28

Ulo abwene Yesu, alilile neshiwi ilikulu nokufukama pamakasa akwe nokuti, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchu-shapo!”

Luka 8:37

Abantu bonse abamuchalo cha Gelasa, balombele Yesu ukuti abafuminemo muchalo chabo pamulandu wakuti bali nomwenso uukulu. Elo Yesu ayinjile mubwato nokubwelela uko afumine.

Yohane 16:8

Ulo akwisa, akoyisa kushinina ichalo nabantu mukubifya kwabo, ubulungami namukupingula kwaku Lesa.

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Imilimo ya batumwa 16:29

Naye malonda ayitile abakuleta umwenje. Bwangu-bwangu ayinjile mukati nokuwila pamakasa akwa Paulo na Sailasi.

Imilimo ya batumwa 2:37

Pakumfwa mfi, abantu chabekete kumitima. Bafumbile Petulo nabatumwa banakwe ati, “Mwe bawesu, kanshi kuti twachita shani fwebo?”

Loma 8:16

Umupashi waku Lesa ulasuminishanya pamo nemitima yesu ulo ikoti tuli bana baku Lesa.

Loma 8:23

Te fibumbwapo fyenka ifikochula mfi, kuntu nafwebo abakwata Umupashi Wabuta wabafye chabupe ichakubalapo ichaku Lesa, tulomfwa ukufinya muli fwe ukwinekantu. Inshita yonse tukolindila ukuti Lesa atupulushe nokutupokelela nga abana bakwe.

Loma 8:26

Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

Loma 9:4

Mba Baisilaeli abo Lesa asalile ukuba abana bakwe nokubapela ubuleme. Lesa achitile ichipangano nabo. Elo alibapele Amafunde akwe. Alibasambishe ifyo balingile ukumulomba. Nakambi alibapela nefilayano.

1 Kolinto 2:12

Fwebo tatwapokelelepo umupashi wapanonse iyowo, kuntu twapokele Umupashi Wabuta uwafuma kuli Lesa, ukwebati ese twafwilisheko ukumfwisha ifyo Lesa atupele bwaka.

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Galatiya 5:1

Klistu alitukakula ukwebati tube abakakuka ukufikapo. Echo imakaneni ndii ukwambula ukusuminisha ukukakwa nakambi kwijoko lyabusha.

Efeso 1:5

Lesa alipekenye kale mukufwaya kwakwe ukuti tube abana bakwe muli Yesu Klistu.

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.

Hebele 2:15

Alichitile mfi ukuti akakule bo abali abasha mubumi bwabo pamulandu wakutina imfwa.

Yemusi 2:19

Mwebo muchetekela ukwebati Lesa umo bwaka. Chiweme! Nayo imipashi iibi ilachetekela nokututuma kumwenso.

1 Yohane 4:18

Umuntu uwakwata ukutemwa takwetepo umwenso iyowo, pakuti ukutemwa kwine-kwine kulafumya umwenso. Nga muntu ali nomwenso ekuti aletina ukukandwa nokutemwa kwakwe takwafikapo.