Loma 8:14 - Chipangano Chabwangu

¹⁴ Abo bonse abatungululwa no Mupashi Wabuta bana baku Lesa.

Loma 8:14 ပူးပေါင်းရင်းမြစ်များ

Mateyo 5:9

“Balishuka bo abaleta umutende, pakuti Lesa akubeta abana bakwe.

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

Loma 8:5

Abantunse bafwaya ifyapanonshi, kuntu abo abatungululwa no Mupashi Wabuta babika imitima yabo pali mfilya ififwaya Umupashi.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Loma 9:26

Elo mufifulo umo baebelwe ati, ‘Tamuli abantu banji,’ emo bakwitwa ‘Abantu baku Lesa uwabumi.’”

Loma 9:8

Ekwebati te bonse abana bakwa Abulahamu ababa bana baku Lesa. Abana bakwe abenenene nimbalya abafyalwa ukulingana nechilayo chaku Lesa.

2 Kolinto 6:18

Nakuba Wishinwe, mwebo mwakuba abana banji abalalume nabanakashi, efyo basosa Bashikulu Abafiso fyonse.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 4:5

Alichitile mfi ukwebati apulushe bo abali abasha bamafunde, ukuti twingaba abana baku Lesa.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Galatiya 5:16

Icho nkososa chakuti lekeni Umupashi Wabuta ulemutungulula. Elo tamwakulakonkapo imibele yenu iyabuntunse.

Galatiya 5:18

Nomba nga Mupashi Wabuta ukomutungulula, ekwebati tamukotungululwapo na Mafunde.

Efeso 1:5

Lesa alipekenye kale mukufwaya kwakwe ukuti tube abana bakwe muli Yesu Klistu.

Efeso 5:9

Pakuba apali ukusanika pasangwapo ubune, ubulungami nefyachine fyonse.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.

Ukufisulula 21:7

Umuntu wakuchimfya akupokelela ifintu mfi. Nakuba Lesa wakwe, naye akuba umwana wanji.