Loma 8:11 - Chipangano Chabwangu

¹¹ Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:11 ပူးပေါင်းရင်းမြစ်များ

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Imilimo ya batumwa 2:24

Nomba Lesa alimubusha nokumupulusha kubukali bwamfwa pantu chalikangile ukuti imfwa imuchimfye.

Loma 16:10

Nkoposha umutende kuli Apelesi, umwina Klistu uwakosa. Mubaposhe umutende abamunanda yakwa Alisitobulasi.

Loma 16:3

Natuma umutende kuli Pulisila na Akwila, abapyungi bananji mumulimo waku Klistu.

Loma 16:7

Muposhe umutende nakambi kuli Andilonikasi na Yuniyasi, Abayuda bananji abo twali nabo muchifungo. Mba balishibikilwe ukwinekantu kubatumwa. Ulo nshilachetekela mba bali kale abena Klistu.

Loma 16:9

Muposhe umutende Ubanasi umupyungi munanji muli Klistu na Sitakisi umunanji natemwesha.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:12

Epo nomba, mwe bawesu, tulikwete umulimo, kuntu tewakusekesha imibili yabuntunse yesu iyowo.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

1 Kolinto 15:16

Echo nga abafwa tababuka, ekwebati Klistu tabukilepo kubafwa.

1 Kolinto 6:14

Lesa abushishe Bashikulu kumfwa, elo ewakwisa kubusha nafwe kufiso fyakwe.

2 Kolinto 4:11

Mubumi bwesu bonse tukopelwa kumfwa pamulandu waku Yesu ukwebati ubumi bwakwe buboneke mumibili yesu iifwa.

2 Kolinto 4:14

Twalishiba ukuti Lesa uwabushishe Bashikulu Yesu kubafwa, akutubusha nafwe pamo na Yesu. Elo akutufisha pamenso akwe pamo namwe.

2 Kolinto 5:4

Ulo tuchili muli njino nanda, tulatenda nokulemenwa. Tepamulandu uwakuti tukofwaya ukufula ulusasa ndu iyowo, kuntu ukuti tufwikwe inanda yakumulu pakwebati ichafwa chaaluke ichabumi.

Galatiya 6:8

Umuntu uubyala imbuto shabuntunse akwisa kusepa imfwa. Nangulya onse uubyala ukulingana nefyo Umupashi Wabuta ufwaya, akusepa ubumi butashila.

Efeso 2:5

Nangu twalifwile pamulandu wamabifyo esu, kuntu alitupele ubumi pamo na Klistu. Mwapulushiwe kubwanshi ubukulu bwaku Lesa.

Filipi 3:21

Ye akwalula imibili yesu nji iyabwaka ukwebati ipalane nomubili wakwe uwabuleme. Akuchita mfi kufiso fyakwe mfilya ifyo angalenga ifintu fyonse ukutungululwa na Ye.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

Ukufisulula 1:18

Nine uyo uuli nobumi. Nalifwile, kuntu nomba ndi nobumi umuyayaya. Ndikwete ifiso pamfwa elo napachalo chabafwa.

Ukufisulula 11:11

Panuma yanshiku shitatu nakasuba-pakati, umupu uupela ubumi walifumine kuli Lesa nokwinjila muli bo. Awe balimakene, nabonse abababwenepo balikwete nomwenso uukulu.