Loma 8:10 - Chipangano Chabwangu

¹⁰ Nga Klistu aba muli mwebo, nangu imibili yenu yalifwa pamulandu wabubi, kuntu Umupashi bumi kuli mwe pakuti Lesa alimulungamikile.

Loma 8:10 ပူးပေါင်းရင်းမြစ်များ

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 15:5

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 6:54

Umuntu onse uwakulya umubili wanji nokunwa umulopa wanji akuba nobumi butashila, elo nakwisa kumubusha pakasuba kakumupwilo.

Yohane 6:56

Muntu onse uwakulya umubili wanji nokunwa umulopa wanji ewikala muli nebo nandibo muli ye.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

2 Kolinto 13:5

Muyipime mwenka ukubona nga mulikwete ichichetekelo. Mwifumbe mwenka. Napo twamwishibilepo ukuti Klistu Yesu ali muli mwe? Kati tefyopo, chamukanga.

2 Kolinto 4:11

Mubumi bwesu bonse tukopelwa kumfwa pamulandu waku Yesu ukwebati ubumi bwakwe buboneke mumibili yesu iifwa.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Filipi 1:23

Natanganikwa. Nkofwaya ukufuma muli nchino chalo nokuya kwikala pamo na Klistu pakuba nchi echingansekesha ukwinekantu.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

1 Tesalonika 4:16

Kwakuba ukubilisha neshiwi lyamungeli umukulu, nechiwunda chepenga lyaku Lesa, na Bashikulu abene bakwisa ukufuma kumulu. Mbalya abafwile nechichetekelo muli Klistu ebakubuka pakubala.

Hebele 12:23

Mwafika kuchilonganino ichansansa uko balongene abana baku Lesa ababeli, bo amashina yabo yalembwa kumulu. Mwafika kuli Lesa kapingula wabantu bonse, ukwaba imipashi yabantu abo Lesa alungamikile nakambi bali abafikapo.

Hebele 9:27

Umuntu uuli onse alinokufwapo limo, elo panuma kupingulwa.

Ukufisulula 14:13

Elo naumfwile ishiwi ukufuma kumulu ilikoti, “Lemba ukuti, Balishuka abantu abakwisa fwa mukupyungila Bashikulu ukufuma nomba!” Umupashi Wabuta walyaswike ati, “Ina, bamfumu! Bakutusha kumilimo yabo pakuti imilimo iyo bapyungile yakubakonka.”