Loma 7:8 - Chipangano Chabwangu

⁸ Pamulandu waku ndi ifunde ububi bwalisangile ishuko lyakwimya muli nebo umufimbila. Nga takupo ifunde ekwebati takupo nobubi.

Loma 7:8 ပူးပေါင်းရင်းမြစ်များ

Maliko 7:22

ubuchende, ulunkumbwa, nokuchita ifintu ifyabipa, ukuchenjeleka, umufimbila, iminsula, ukuyikusha, nokupunama.

Yohane 15:22

Nga chakuti nshayishile nokusosa nabo nga tabali nako ukubifya. Nomba tabakwetepo ichakusosa pakubifya kwabo.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Loma 7:11

Echo ububi bwasangile ishuko kwifunde, epo ukupitila mwifunde bwalimbepele nokunjipaya.

Loma 7:13

Napo nchi chikoyalula ukuti chandetele imfwa? Iyowo, nangu panini! Ububi ebwanjipeye mukubomfya ichintu nchi ukuti ububi buboneke ifyo bwaba. Echo mwifunde ububi bulabipisha ukwinekantu.

Loma 7:17

Echo tenepo nchita ifyo nchita, kuntu ububi ubwaba muli ne.

Loma 7:9

Akale nebo nali uwabumi ubwabwaka. Nomba ulo ifunde lyayishile, elo ububi bwatilimukile.

1 Kolinto 15:56

Ulubola lwamfwa kubifya, nefiso fyakubifya fyafuma ku Mafunde ngalya.