Loma 7:5 - Chipangano Chabwangu

⁵ Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.

Loma 7:5 ပူးပေါင်းရင်းမြစ်များ

Mateyo 15:19

Pantu mumutima emufuma amalangulushi aabi: ukwipaya, ubuchende, nokuchita ifintu ifyabipa, ukwiba, ubufi, nokwamba abanabo.

Yohane 3:6

Uufyalwa kumuntu muntu, kuntu uufyalwa ku Mupashi Wabuta wamupashi.

Loma 1:26

Nipamulandu wamfi epo Lesa abalekele ukuti balokuchita ifibi ifyamwansha nsoni. Abanakashi baya kubanakashi banabo, ichitalingilepo.

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 6:19

Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

Loma 6:21

Mba findo mwasangilemo mukuchita ifintu ifyamwansha insoni nomba? Nachine icho mwalikusangamo nimfwa.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 7:23

Nomba ndabona ifunde lipyunga mumubili wanji ililwisha ifunde lyaku Lesa ilyo nasuminamo. Ifunde limbi ndi likonka inshila yabubi. Engu uulenga ukuti mbe umusha wabubi.

1 Kolinto 15:56

Ulubola lwamfwa kubifya, nefiso fyakubifya fyafuma ku Mafunde ngalya.

2 Kolinto 10:3

Nangu twikala panonshi, tatulwapo ulubuli kubati bantunse.

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 2:11

Mwe abenafyalo langulukeni ifyo mwali kale. Abayuda bayitutumwina pakushilimunwa (ichali kuchitwa kumibili yabo), elo bamwita ukuti abatashilimunwa.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Yemusi 1:15

Ulo ubufwayo bwabuntunse bwaba kubati bulimitile, bulafyala ifibi. Elo ifibi nga fyakula, filafyala imfwa.

Yemusi 4:1

Kanshi inkondo nokutalikana pakati kenu fifuma kwisa? Napo tafifumapo kulunkumbwa ulwabuntunse bwenu ulukochita inkondo muli mwe?

1 Yohane 3:4

Umuntu uuli onse uuchita ichibi alatoba ifunde lyaku Lesa, pantu ukubifya kutoba ifunde.