Loma 7:24 - Chipangano Chabwangu

²⁴ Nebo naba umuntu uwachikonko! Mba ninani uwakumpulusha kubwikashi mbu ubukontwala kumfwa?

Loma 7:24 ပူးပေါင်းရင်းမြစ်များ

Mateyo 5:4

“Balishuka bo abakolosha, pakuti Lesa akubashinshinta.

Mateyo 5:6

“Balishuka bo abafwayisha ukuchita ifilungeme nomutima wabo onse pakuti Lesa akubekusha.

Luka 4:18

“Umupashi waku Lesa uli pali nebo, pakuti alinsuba ukuti nkabilishe, Ubutumi Bwawama kubachula. Alintumine ukubile imbila iyakuti bakakulwe abakakwa, nakambi nempofu ukuti shibone, nokulubula bo abasulwa.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Loma 8:23

Te fibumbwapo fyenka ifikochula mfi, kuntu nafwebo abakwata Umupashi Wabuta wabafye chabupe ichakubalapo ichaku Lesa, tulomfwa ukufinya muli fwe ukwinekantu. Inshita yonse tukolindila ukuti Lesa atupulushe nokutupokelela nga abana bakwe.

Loma 8:26

Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

Kolose 2:11

Mukusankana pamo na Klistu emo mwashilimunwa, tekushilimunwapo kwamubili iyowo, kuntu kwaku Klistu umwine, ukwabamo ukulubuka kufiso fyangu mubili wabuntunse.

2 Timoti 4:18

Bashikulu bakumpulusha kububi bonse ukuti nkenjile mubufumu bwabo ubwakumulu. Kuli bo kube ubuleme umuyayaya. Ameni.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 2:15

Alichitile mfi ukuti akakule bo abali abasha mubumi bwabo pamulandu wakutina imfwa.

Ukufisulula 21:4

Echo akubakumuna iminsoshi yabo yonse. Tapakabepo imfwa nakambi iyowo, ubulanda ukulila nangula ukumfwa ifyakufinya. Ifintu ifyakale fyonse filipitile.”