Loma 7:14 - Chipangano Chabwangu

¹⁴ Twalishiba ukuti Ifunde lyafintu ifyamupashi. Nomba nebo ndi muntu bwaka, umusha wabubi.

Loma 7:14 ပူးပေါင်းရင်းမြစ်များ

Mateyo 16:23

Nomba Yesu alyalukile nokwebaula Simoni Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu.”

Mateyo 18:25

Nomba pamulandu wakuti takwete ichakufutilako, imfumu yakwe yapingwile ukuti ashitishiwe pamo nomukashi wakwe nabana, nafyonse ifyo akwete, ukuti abweshe inkongole yakwe.

Mateyo 5:22

Nomba nebo nkomweba ati, onse uwakalipila wabo akutwalwa mukulubulula. Noyo uwakweba wabo ati, ‘We chipuba we,’ akuba nomulandu kunsaka yamilandu iikulu. Nomba uwakweba wabo ati, ‘We chinangwa we!’ Ye alingile ukumuposa mumulilo uutashimapo.

Mateyo 5:28

Nomba nkomweba ati, umuntu onse uwalolesha umwanakashi nokumukumbwa, ekweba ati achita nakwe kale ubuchende mumutima wakwe.

Luka 5:8

Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”

Luka 7:6

Echo Yesu alile nabo. Nomba ulo apalamine kunanda, umukulu wabashilikali atumine kuli Yesu ifibusa fyakwe nokuti, “Bashikulu, mwiyichushapo, nshilingile ukuti mwise mwinjile munanda yanji.

Loma 3:9

Mba nindo twakusosa? Napo fwe Bayuda twalichila abenafyalo? Iyowo! Ndisosele kale ati Abayuda nabenafyalo bonse nimbifi.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

Loma 7:18

Pakuti nalishiba ukwebati tamupo ichiweme mubuntunse bwanji iyowo. Pakuba nangu nkofwaya ukuchita ifilungeme, epela ndafilwa ukufichita.

Galatiya 4:3

Chimo chenka nafwebo, ulo twali abayiche twali abasha ababwikashi bwapanonshi.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Hebele 4:12

Pakuti amashiwi aku Lesa abumi nakambi afiso. Alitwa ukuchila umwele uwatwa konse-konse. Alaputula pakati kabumi nomupashi, amafupa nobutomfyo bwamumafupa. Elo alapingula amalangulushi namapange aamuntu.