Loma 7:1 - Chipangano Chabwangu

¹ Mwe bawesu, nkososa kuli mwebo abayishiba Amafunde. Mulishibile bwino-bwino ukuti Amafunde asosa kuli bo abachili nobumi.

Loma 7:1 ပူးပေါင်းရင်းမြစ်များ

Loma 1:13

Echo bawesu, nkofwaya mwishibe ukuti inshita ishinji nalikufwaya ukwisa ukumutandalila, kuntu ifintu fimbi filankanya ukuchita nchi. Nkofwaya ukwalula bamo abamuli mwebo kubati nimfilya nachitile kubenafyalo bambi.

Loma 10:1

Mwe bawesu, icho nkofwayisha nomutima wanji onse, necho nkopapata Lesa chakwebati abamutundu wanji bapuluke.

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 6:3

Napo tamwishibilepo ukuti fwe bonse twabele umo na Yesu Klistu ulo twabatishiwe? Mulubatisho ndu twabele umo namumfwa.

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

Loma 9:3

Ukuba nga chali ichiweme ichakuti nebo bandapisha bwaka kuli Lesa ukuti nimba uwaku Klistu muchifulo ichabamukowa wanji.

1 Kolinto 9:8

Mwati nkososa mfi kumano abantunse? Napo Amafunde taasosapo fyenka?

Galatiya 4:21

Kamunjebeniko mwebo bonse mwe bakofwaya ukukonka Amafunde. Napo tamumfwikishapo ifyo Amafunde asosa, bayi?