Loma 6:3 - Chipangano Chabwangu

³ Napo tamwishibilepo ukuti fwe bonse twabele umo na Yesu Klistu ulo twabatishiwe? Mulubatisho ndu twabele umo namumfwa.

Loma 6:3 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Imilimo ya batumwa 19:5

Ulo baumfwile mfi, balibatishiwe mwishina lyaku Bashikulu Yesu.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 8:16

Pakuti Umupashi Wabuta tawafikilepo pamuntu nangu umo. Babatishiwe bwaka mwishina lyaku Bashikulu Yesu.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:8

Pakuti twalifwa na Klistu, tukochetekela ukwebati twakwisa kuba nobumi nakambi pamo nakwe.

Loma 7:1

Mwe bawesu, nkososa kuli mwebo abayishiba Amafunde. Mulishibile bwino-bwino ukuti Amafunde asosa kuli bo abachili nobumi.

1 Kolinto 10:2

Echo bonse babatishiwe mwikumbi namuli bemba ukuti babe abakusambila bakwa Mosesi.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 15:29

Nga Yesu tabukilepo kubafwa, nindo abantu bakobatishiwa muchifulo chabafwa? Nga abafwa tabakabukepo, nomba nindo abantu babatishiwa muchifulo chabo.

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 6:9

Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

1 Kolinto 9:13

Kanshi tamwishibilepo ukuti bapyunga munanda yaku Lesa, balya ififuma munanda njilya? Napo tamwishibilepo ukuti abapyungila pachipupililo balaakana ifyachipupo?

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

2 Kolinto 13:5

Muyipime mwenka ukubona nga mulikwete ichichetekelo. Mwifumbe mwenka. Napo twamwishibilepo ukuti Klistu Yesu ali muli mwe? Kati tefyopo, chamukanga.

Galatiya 3:27

Elo bonse mwayishileba umo na Klistu ulo mwabatishiwe, mwachitile ukubati mwafwala umubili uwaku Klistu.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.