Loma 6:23 - Chipangano Chabwangu

²³ Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 6:23 ပူးပေါင်းရင်းမြစ်များ

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 4:36

Umuntu uukolobolola ulalipilwa mumulimo wakwe nakambi akalobolola ifitwalo fyabumi butapwa. Epo umuntu uubyala nangulya uulobolola bakwisa kusekelela pamo.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Loma 1:32

Balishiba ifunde lyaku Lesa ilikoti abantu abachita mfi balinjile ukufwa. Nomba tabachitapo bwaka fyenka mfi, kuntu basuminisha nabonse abafichita.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:21

Mba findo mwasangilemo mukuchita ifintu ifyamwansha insoni nomba? Nachine icho mwalikusangamo nimfwa.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

Loma 8:38

Pakuba nalishininkisha ukwebati takupo nangu chimo ichakutulekanya kuchitemweko chaku Lesa. Nangu imfwa, nangu ubumi, nangu abangelo, nangu intungulushi, nangu ifintu ifiliko nangu ifyakwisa kuboneka, nangu ifyafiso ifili shani,

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Yemusi 1:15

Ulo ubufwayo bwabuntunse bwaba kubati bulimitile, bulafyala ifibi. Elo ifibi nga fyakula, filafyala imfwa.

1 Yohane 2:25

Nchi echo Klistu umwine alayile ukutupa, ubumi bwamuyayaya.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”