Loma 6:22 - Chipangano Chabwangu

²² Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Loma 6:22 ပူးပေါင်းရင်းမြစ်များ

Mateyo 13:40

Fyenkefyo ulunsekwe bakulukaka imipo nokulocha mumulilo, efyo kwakuba kumupwilo wachalo.

Mateyo 13:43

Echo abantu baku Lesa bakusanika kubati kasuba mubufumu bwaku Lesa. Umfweni, ukwete amatwi aakumfwa, omfwe.

Mateyo 19:29

Na uyo onse uwasha inanda, nangula bawabo, nangula inkashi, nangula bawishi, nangula banyina, nangula abana, nangula amabala pamulandu wakunebo, akupokelelapo ifinji ukwinekantu ukuchila ifyo ashile. Akupokelela ubumi butapwa.

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:2

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Yohane 4:36

Umuntu uukolobolola ulalipilwa mumulimo wakwe nakambi akalobolola ifitwalo fyabumi butapwa. Epo umuntu uubyala nangulya uulobolola bakwisa kusekelela pamo.

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 6:18

Nomba mwalikakulwa kububi, elo muli basha abasekesha Lesa.

Loma 6:21

Mba findo mwasangilemo mukuchita ifintu ifyamwansha insoni nomba? Nachine icho mwalikusangamo nimfwa.

Loma 7:25

Ukutotela kube kuli Lesa muli Yesu Klistu Shikulu wesu! Elo chaba mfi: nebo nkofwaya ukukonka Ifunde lyaku Lesa nomutima onse, kuntu nomubili wanji nkofwaya ukukonka inshila yabubi.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 7:22

Pakuba umuntu uwali musha ulo bamwitile Bashikulu, ye muntungwa wa Bashikulu. Chimo chine, uwali umuntungwa naye bamwitile, musha waku Klistu.

2 Kolinto 3:17

Ulo tusosa ati, “Bashikulu” tukososa Mupashi Wabuta. Elo ukuli Mapashi wa Bashikulu kuli ubwanalale.

Galatiya 1:10

Ulo nkososa mfi, napo nkofwaya ukulumbanishiwa kubantu? Nangu panini, kuntu Lesa bwaka. Napo nkofwaya ukusekesha abantu? Iyowo, nga nalikufwaya ukuchita mfi, tekuti mbepo umupyungi waku Klistu.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Efeso 5:9

Pakuba apali ukusanika pasangwapo ubune, ubulungami nefyachine fyonse.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:17

Tekwebati nkofwaya ichabupe kuli mwe, kuntu nkofwaya ukuti mushukishiwe pakupela kwenu.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

Hebele 12:14

Esheni ukwikala nobumi bwabuta nabantu bonse munshila iilungeme, pakuti tapapo nangu umo uwakubona Bashikulu nga talungeme.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Petulo 1:9

Echo ukupitila muchichetekelo chenu, mulapokelela chipulusho ichamuyayaya.

1 Petulo 2:16

Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.

Ukufisulula 7:13

Penkapo umo uwabachilolo mbalya alimfumbile ati, “Nga mba abafwite imingila iitubile nibani? Elo bafuma kwisa?”