Loma 6:21 - Chipangano Chabwangu

²¹ Mba findo mwasangilemo mukuchita ifintu ifyamwansha insoni nomba? Nachine icho mwalikusangamo nimfwa.

Loma 6:21 ပူးပေါင်းရင်းမြစ်များ

Loma 1:32

Balishiba ifunde lyaku Lesa ilikoti abantu abachita mfi balinjile ukufwa. Nomba tabachitapo bwaka fyenka mfi, kuntu basuminisha nabonse abafichita.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 7:5

Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

2 Kolinto 7:11

Boneni ifyo insoni shenu ishifuma kuli Lesa ifyo shamuchitila: Shamupela ukuchinchila, ukushininkisha ukwebati tamukwetepo umulandu, ukunyeka imitima nomwenso uukulu. Shamupela ukufunga ukumbona, ukufwayilisha ukungafwilisha, elo nokupela umulandu abachita ifibi. Pali fyonse mfi, pali ukushininkisha ukwebati tamwabifishepo iyowo.

Filipi 3:19

Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Hebele 6:8

Nomba nga ibala ndilya lyakusha iminga nobusafya, lyabwaka. Elo lili apepi nokutipwa na Lesa nokulyonaula mumulilo.

Yemusi 1:15

Ulo ubufwayo bwabuntunse bwaba kubati bulimitile, bulafyala ifibi. Elo ifibi nga fyakula, filafyala imfwa.

Yemusi 5:20

Mwishibe nchi: onse ubwesha umuntu uwaluba munshila yakwe iibi akupulusha ubumi bwamuntu ngulya kumfwa, elo nefibi fyakwe ifinji fyakunakililwa.

1 Petulo 4:17

Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

Ukufisulula 16:6

Pakuti mba balitulwile umulopa wabantu baku Lesa, elo nomulopa wabasoseshi. Echo mwabapela umulopa ukuti banwe, fyenka mfi efibalingile.”

Ukufisulula 20:14

Penkapo imfwa nechifulo chabafwa fyaposelwe muli bemba wamulilo. (Bemba wamulilo ngu emfwa yachibili.)