Loma 6:19 - Chipangano Chabwangu

¹⁹ Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

Loma 6:19 ပူးပေါင်းရင်းမြစ်များ

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Loma 15:1

Nomba fwebo abakosa muchichetekelo tulingile ukwafwilisha abanaka. Twiisekeshapo fwenka.

Loma 3:5

Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 7:23

Nomba ndabona ifunde lipyunga mumubili wanji ililwisha ifunde lyaku Lesa ilyo nasuminamo. Ifunde limbi ndi likonka inshila yabubi. Engu uulenga ukuti mbe umusha wabubi.

Loma 8:26

Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

1 Kolinto 9:8

Mwati nkososa mfi kumano abantunse? Napo Amafunde taasosapo fyenka?

Galatiya 3:15

Mwe bawesu, nkobomfya ichakubwenako ichanshiku shonse. Nga abantu babili baumfwana nokusuminishanya pachintu chimo, tapapo nangu umo uwingonaula nangu ukulundapo iyowo.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.