Loma 6:14 - Chipangano Chabwangu

¹⁴ Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 6:14 ပူးပေါင်းရင်းမြစ်များ

Mateyo 1:21

Akufyala umwana umwalalume. Elo webo wakwisa kumwinika Yesu, pakuti eukapulusha abantu bakwe kumabifyo abo.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 8:36

Kati umwana wamulubula, mwalubulwa nachine.

Loma 11:6

Asalile pamulandu wabwanshi bwakwe, tepamilimo yabo iyowo. Nga chali pamilimo yabo, nga tabwali ubwanshi.

Loma 4:16

Echo ubulayo bwayimakene pachichetekelo ukwebati ubulayo mbu bushininkishiwe ukuba ubupe bwaku Lesa kubana bonse abakwa Abulahamu. Te kuli mbalya benka abalama Amafunde akwa Mosesi iyowo, kuntu nabo abachetekela kubati nimfilya Abulahamu achetekele. Pakuti Abulahamu echikolwe chesu tonse.

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 5:18

Nomba kubati nimfilya ukubifya kwamuntu umo kwaletele imilandu kubantu bonse, munshila imo yenka, ubulungami bwamuntu umo bwaletele ukunakililwa amabifyo nokupelwa ubumi.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 6:15

Mba findo nomba? Napo tutwalilile ukubifya pantu tatukotungululwapo na Mafunde kuntu ubwanshi bwaku Lesa? Nangu panini!

Loma 8:12

Epo nomba, mwe bawesu, tulikwete umulimo, kuntu tewakusekesha imibili yabuntunse yesu iyowo.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Galatiya 3:23

Ulo ichichetekelo nchilya tachilafika, twali kubati bafungwa ba Mafunde, ukufikila ulo ichichetekelo nchi chakufisululwa.

Galatiya 4:21

Kamunjebeniko mwebo bonse mwe bakofwaya ukukonka Amafunde. Napo tamumfwikishapo ifyo Amafunde asosa, bayi?

Galatiya 5:18

Nomba nga Mupashi Wabuta ukomutungulula, ekwebati tamukotungululwapo na Mafunde.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.