Loma 6:11 - Chipangano Chabwangu

¹¹ Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:11 ပူးပေါင်းရင်းမြစ်များ

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Loma 16:27

Kuli Lesa uyo uwamulangwe enka, kube umuchinshi muli Yesu Klistu umuyayaya. Ameni.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 6:10

Epo imfwa iyo afwile yaali yakulekana nobubi, elo afwile umuku umo bwaka. Nomba ubumi ubo akwete bwakwipela kuli Lesa.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 6:2

Nangu panini! Fwebo twalifwa kukubifya, mba nindo twingekalilila mukuchita ububi?

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

1 Kolinto 6:20

Lesa alimushitile pamutengo uukulu. Echo muchinshike Lesa nemibili yenu.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:7

Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!