Loma 6:10 - Chipangano Chabwangu

¹⁰ Epo imfwa iyo afwile yaali yakulekana nobubi, elo afwile umuku umo bwaka. Nomba ubumi ubo akwete bwakwipela kuli Lesa.

Loma 6:10 ပူးပေါင်းရင်းမြစ်များ

Luka 20:38

Emukuti ni Lesa wababumi, te Lesapo wabafwa iyowo pantu kuli Ye bonse babumi.”

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:9

Pakuba twalishiba ukuti Klistu balimubusha ukufuma kubafwa, elo tayise kufwa nakambi. Imfwa tayakakwatepo fiso nakambi pali Ye.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

2 Kolinto 5:15

Afwilile abantu bonse ukwebati abali nobumi beyisekesha abene benka, sembi basekeshe Ye uwabafwilile, elo uwabukile kubafwa pamulandu wabo.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Petulo 4:6

Echo Butumi Bwawama bwabilishiwe nokuli bo abafwa, ukwebati nangu bakapingulwe mumubili nga bantu, kuntu mumupashi babe nobumi kubati Lesa.