Loma 6:1 - Chipangano Chabwangu

¹ Mba findo twakusosa nomba? Napo twakutwalilila ukubifya ukuti ubwanshi bwaku Lesa bufulileko?

Loma 6:1 ပူးပေါင်းရင်းမြစ်များ

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 3:31

Napo chikoyalula ukwebati tulisulile Amafunde pamulandu wachichetekelo? Nangu panini. Ukuchilapo tulayakoselesha.

Loma 6:15

Mba findo nomba? Napo tutwalilile ukubifya pantu tatukotungululwapo na Mafunde kuntu ubwanshi bwaku Lesa? Nangu panini!

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

1 Petulo 2:16

Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.