Loma 5:21 - Chipangano Chabwangu

²¹ Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 5:21 ပူးပေါင်းရင်းမြစ်များ

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Loma 4:13

Ulo Lesa alayile Abulahamu nabana bakwe ukuti chalo chonse chakuba chabo, chalichitikilwe. Nomba tepamulandu wakweba ati Abulahamu asungile Amafunde. Nipamulandu wakuti achetekele Lesa, elo amulungamikile.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:14

Ukufuma pali Adamu nokufikila pali Mosesi, abantu balikufwa, nambalya abatabifishepo kubati nimfilya Adamu abifishe, uyo uutalaminepo Ifunde lyaku Lesa. Adamu ali chinshingwa chaku ngulya uwali nokwisa panuma.

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 6:16

Mwalishiba ukuti nga mwayipela ubusha kumuntu umbi nokumumfwila, penkapo mwaba abasha bamuntu ngulya mukoumfwila. Nga mwaba abasha babubi, mwakwisa kufwa. Nomba nga nimwebo abasha baku Bashikulu, mwakulungamikwa.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 8:10

Nga Klistu aba muli mwebo, nangu imibili yenu yalifwa pamulandu wabubi, kuntu Umupashi bumi kuli mwe pakuti Lesa alimulungamikile.

Taitasi 2:11

Elo Lesa alanga ubwanshi bwakwe pakufwaya ukupulusha abantu bonse.

Hebele 4:16

Kanshi katushipe nomba, tupalamine kumupando wabufumu bwaku Lesa uwabwanshi. Nku twakupokelela inkumbu nokusanga ubwanshi ubutwafwilishako panshita iilingile.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Yohane 2:25

Nchi echo Klistu umwine alayile ukutupa, ubumi bwamuyayaya.