Loma 5:19 - Chipangano Chabwangu

¹⁹ Elo kubati nimfilya umuntu umo taumfwile nokuleta ububi pabantu bonse, emo nokufwa kwamuntu umo kwalenga ukuti abantu bonse bapokelelwe nga abalungama.

Loma 5:19 ပူးပေါင်းရင်းမြစ်များ

Loma 11:32

Pakuti Lesa alilenga abantu bonse ukubati basha pantu tabomfwapo. Alichitile mfi ukuti ababelele ichisa bonse.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:15

Nomba ichabupe chaku Lesa tachalinganapo nobubi bwakwe Adamu. Abantu bonse balafwa pamulandu wakubifya kwamuntu umo, kuntu ubwanshi bwaku Lesa nobupe bwakwe fikulu ukuchilapo pantu filaletela ishuko kubantu bonse. Ichabupe icho Lesa apele ni Yesu Klistu.

Loma 5:18

Nomba kubati nimfilya ukubifya kwamuntu umo kwaletele imilandu kubantu bonse, munshila imo yenka, ubulungami bwamuntu umo bwaletele ukunakililwa amabifyo nokupelwa ubumi.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Filipi 2:8

Klistu aliichefeshe nokuba uwachumfwila ukufikila kumfwa, ina, kumfwa yakwe iyapamutashi.