Loma 5:18 - Chipangano Chabwangu

¹⁸ Nomba kubati nimfilya ukubifya kwamuntu umo kwaletele imilandu kubantu bonse, munshila imo yenka, ubulungami bwamuntu umo bwaletele ukunakililwa amabifyo nokupelwa ubumi.

Loma 5:18 ပူးပေါင်းရင်းမြစ်များ

Yohane 1:7

Ye ayishile ukupela bukamboni bwanku Kusanika, ukuti abantu bonse bomfwe mbu ubutumi nokuchetekela.

Yohane 12:32

Ulo mwakunjimya pamutashi, nakwisa tintila abantu bonse kuli nebo.” (

Yohane 3:26

Elo bayile kuli Yohane nokumweba ati, “We musambishi, napo ukomwibukisha ngulya muntu uwali nawebo kumutule-suba wa Yodani, ngulya uwo mwasoselepo? Naye nomba akobatisha, nakambi abantu abenji bakoya kuli ye.”

Imilimo ya batumwa 13:39

Echo mwishibe ukuti umuntu onse uchetekela Yesu alakakulwa kububifi bonse ubo Amafunde akwa Mosesi afililwe ukumufumyamo.

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

Loma 4:25

Yesu ngu bamwipeye pamulandu wafibi fyesu. Elo bamubushishe kubafwa ukuti Lesa atubone nga abalungami.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:15

Nomba ichabupe chaku Lesa tachalinganapo nobubi bwakwe Adamu. Abantu bonse balafwa pamulandu wakubifya kwamuntu umo, kuntu ubwanshi bwaku Lesa nobupe bwakwe fikulu ukuchilapo pantu filaletela ishuko kubantu bonse. Ichabupe icho Lesa apele ni Yesu Klistu.

Loma 5:19

Elo kubati nimfilya umuntu umo taumfwile nokuleta ububi pabantu bonse, emo nokufwa kwamuntu umo kwalenga ukuti abantu bonse bapokelelwe nga abalungama.

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

1 Kolinto 15:22

Ukubati fintu abantu bonse bafwa pamulandu wakwa Adamu, efyo abantu bonse bakubuka kubumi pamulandu waku Klistu.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Yohane 2:20

Nomba mwebo Klistu amusubile no Mupashi Wabuta, echo mulishibile ifintu fyonse.