Loma 5:17 - Chipangano Chabwangu

¹⁷ Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 5:17 ပူးပေါင်းရင်းမြစ်များ

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Yohane 10:10

Umung’o ena eshila ukwiba, ukwipaya nokonaula. Nomba nebo nalisa ukuti mwise mube nobumi, ubumi ubwinenene.

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:15

Nomba ichabupe chaku Lesa tachalinganapo nobubi bwakwe Adamu. Abantu bonse balafwa pamulandu wakubifya kwamuntu umo, kuntu ubwanshi bwaku Lesa nobupe bwakwe fikulu ukuchilapo pantu filaletela ishuko kubantu bonse. Ichabupe icho Lesa apele ni Yesu Klistu.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

1 Kolinto 15:49

Ukubati ifyo twakwata ichipasho chamuntu wabumbilwe kwiloba, efyo twakukwata ichipasho chaku ngulya uwafumine kumulu.

1 Kolinto 4:8

Napo mulikwete kale fyonse ifyo mukabila! Echo muli bachindami ukuchila fwebo. Nga chiliweme amuba bakankomba ukwebati nafwe tutungulule pamo namwe.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

2 Timoti 2:12

Nga twashipa, twakutungulula pamo nakwe. Nga fwebo twamukana, na Ye akutukana.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

Ukufisulula 1:6

Ye atupangile ukuba bashamfumu ukuti tupyungile Lesa Wishi kubati bachipupila. Kube umuchinshi nefiso kuli Yesu Klistu inshita shonse. Ameni.

Ukufisulula 20:4

Elo nalibwene imipando yabufumu apayikele abo abapelwe ifiso ifyakupingula. Nalibwene nakambi imipashi yabantu abo baputawileko imitwi pamulandu wakupela Yesu bukamboni namashiwi aku Lesa. Mba tabalombelepo ichiswango nechipasho chachiko. Nakambi balikene ukulembwapo ichishibilo pampumi shabo nangula pamaboko abo. Abantu mba bayishileba abomi. Elo balikutungulula pamo na Klistu pamyaka ikana limo. (

Ukufisulula 20:6

Balishuka nakambi balibuta abo abakubuka pakubuka kwakwamba nku. Imfwa yachibili tayikwetepo ifiso pali bo, kuntu bakuba bachipupila baku Lesa nabaku Yesu Klistu. Elo bakutungulula nakwe imyaka ikana limo.

Ukufisulula 22:5

Takwakabepo nakambi ubushiku iyowo. Abantu tabakafwayepo ukusanika kwanyali nangu ukwakasuba pakuti Bashikulu Lesa umwine akuba ukusanika kwabo. Elo nabo bakutungulula umuyayaya.

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.