Loma 5:14 - Chipangano Chabwangu

¹⁴ Ukufuma pali Adamu nokufikila pali Mosesi, abantu balikufwa, nambalya abatabifishepo kubati nimfilya Adamu abifishe, uyo uutalaminepo Ifunde lyaku Lesa. Adamu ali chinshingwa chaku ngulya uwali nokwisa panuma.

Loma 5:14 ပူးပေါင်းရင်းမြစ်များ

Loma 5:12

Ukubifya kwayishile ukupitila mumuntu umo, nokubifya nku kwaletele imfwa. Elo nomba, imfwa yaambukile kubantu bonse pantu bonse balibifya.

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 8:20

Echo ifyalengelwe fyonse fyasangilwe nomulandu, tekufwayapo kwafiko iyowo, kuntu nipamulandu waku ngulya uwafwayile ukuti fibe mfi. Elo kwali ukuchetekela,

Loma 8:22

Tulishibile ukuti ukufikila nanduno ichibumbwa chonse chilomfwa ukufinya kubati kwamufyashi nakupapa.

1 Kolinto 15:22

Ukubati fintu abantu bonse bafwa pamulandu wakwa Adamu, efyo abantu bonse bakubuka kubumi pamulandu waku Klistu.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

Hebele 9:27

Umuntu uuli onse alinokufwapo limo, elo panuma kupingulwa.