Loma 5:10 - Chipangano Chabwangu

¹⁰ Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Loma 5:10 ပူးပေါင်းရင်းမြစ်များ

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 5:26

Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 6:57

Pakuti Bata abayikalilila ababumi ebantuma nebo, epo pamulandu waku Bo nandibo nalikalilila uwabumi. Munshila imo yenka, muntu onse uwakulya nebo akwisa kuba nobumi pamulandu wakunebo.

Loma 11:28

Nomba ukusosa ifya Butumi Bwawama Baisilaeli tupondo twaku Lesa pamulandu wenu. Nomba ukusosa pafyakusalwa, Baisilaeli batemwekwa baku Lesa pamulandu wafikolwe fyabo.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Loma 5:6

Ulo tatwakwete uwakutwafwa, panshita yalinga, Yesu alitufwilile fwe mbifi.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Loma 8:7

Echo ababika imitima yabo pafintu ifyapanonshi fipondo fyaku Lesa. Tabanakilapo Ifunde lyaku Lesa. Nachine tekuti banakilepo.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Efeso 2:16

Klistu alifwile pamutashi ukuti onaule ulupato nokubika pamo imitundu ibili njilya ukuba umubili umo. Elo pamutashi penka awikishenye imitundu njilya kuli Lesa.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

1 Yohane 2:1

Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

Ukufisulula 1:18

Nine uyo uuli nobumi. Nalifwile, kuntu nomba ndi nobumi umuyayaya. Ndikwete ifiso pamfwa elo napachalo chabafwa.