Loma 5:1 - Chipangano Chabwangu

¹ Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 5:1 ပူးပေါင်းရင်းမြစ်များ

Luka 19:38

Basosele ati, “Lesa ashukishe Imfumu iikoyishila mwishina lyaku Bashikulu! Umutende mumulu nomuchinshi kuli Lesa Mukulu!”

Luka 19:42

nokwebati, “Chilibipile ukweba ati nanduno abantu bobe tabeshibilepo ichakubaletela umutende! Nomba chafiswa ukufuma kuli we!

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 10:10

Pakuti nikuchichetekelo eko tulungamikilwamo na Lesa. Elo nimukuyisosela eko tupulushiwa.

Loma 10:15

Elo kuti babilisha shani nga tabatuminwepo? Ukubati nimfilya Amalembo asosa ati, “Ukuwama amakasa aambo abaleta Ubutumi Bwawama!”

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:33

Lesa uupela umutende, abe namwebo bonse. Ameni.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Loma 3:30

Chiweme, nomba kuli Lesa umo, uulungamika Abayuda pamulandu wachichetekelo chabo, nabenafyalo munshila imo yenka.

Loma 4:5

Kati umuntu achetekela bwaka mushila yakuyitakisha mumilimo yakwe, Lesa uubona imbifi ukuba abakaele pamulandu wachichetekelo chakwe.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Loma 5:18

Nomba kubati nimfilya ukubifya kwamuntu umo kwaletele imilandu kubantu bonse, munshila imo yenka, ubulungami bwamuntu umo bwaletele ukunakililwa amabifyo nokupelwa ubumi.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 9:30

Nomba findo twakusosa? Abenafyalo tabalikufwayilisha ubulungami bwaku Lesa, kuntu Lesa alibabona nga abalungama ukupitila mukuchetekela kwabo.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 3:25

Pakuti nomba ichichetekelo chafika, Amafunde tayatutungululapo.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Kolose 1:20

Muli Klistu Lesa apingwile ukuwikishanya ifintu fyonse kuli Ye, ifyapanshi nefyakumulu. Lesa aletele umutende mumfwa ya Mwana wakwe pamutashi.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

2 Tesalonika 3:16

Lekeni Bashikulu abene bamutende bamupele umutende munshita namunshila shonse. Bashikulu wesu babe namwebo bonse.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.