Loma 4:6 - Chipangano Chabwangu

⁶ Enchilya Davide alikulabila ulo asosele ukushuka kwabantu abo Lesa abona nga abalungama ukwambula imilimo iyakuti Ye abalangulukileko.

Loma 4:6 ပူးပေါင်းရင်းမြစ်များ

Mateyo 25:19

“Ulo papitile inshita iitali, shikulu wabamilimo mbalya alibwelele nokubeta ukuti bamulondolwele ifyo babomfeshe indalama shakwe.

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 3:27

Chindo nomba twingayitakishishapo? Tapapo. Nipamulandu ndo? Napo nipakuti tukolama Amafunde? Iyowo, pakuti ichikulu kuli Lesa tenchito muntu achita, kuntu kuchetekela bwaka.

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

Loma 4:24

Akososa napali fwebo akotubona nga abalungama pamulandu wakuchetekela Lesa uwabushishe Bashikulu Yesu kubafwa.

Loma 4:5

Kati umuntu achetekela bwaka mushila yakuyitakisha mumilimo yakwe, Lesa uubona imbifi ukuba abakaele pamulandu wachichetekelo chakwe.

Loma 4:7

Asosele ati, “Balishuka abanakililwa amabifyo abo, abo ububi bwabo bwafutwapo!

Loma 4:9

Napo ishuko ndi lyaba kubashilimunwa benka nangula lyaba nakubatashilimunwa? Iyowo, lyaba nakubatashilimunwapo. Kubati nimfilya Amalembo Apatulika akososa ayo tusoselepo kale akoti, “Abulahamu achetekele Lesa. Elo pamulandu wachichetekelo chakwe, Lesa alimupokelele nga uwalungama.”

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 3:14

Klistu achitile mfi ukwebati amashuko onse Lesa alayile Abulahamu, apelwe kubenafyalo ukupitila muli Klistu Yesu. Elo mukuchetekela tupokelele Umupashi Wabuta uwo Lesa alayile.

Galatiya 4:15

Kanshi ukutemwa kwenu nkulya kulipi nomba? Nachine panshita njilya nga chingachitika, nga mwakolobwele amenso yenu nokumpela.

Efeso 1:3

Katutondayishe Lesa Wishi waku Bashikulu Yesu Klistu. Muli Klistu ngu alitushukisha namashuko onse ayakumupashi ayo Klistu atuletele ukufuma kumulu.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Yemusi 2:18

Nalimo umbi kuti asosa ati, “Webo ulikwete ichichetekelo, elo nebo ndi nemilimo iiweme.” Nebo kuti nasosa ati, “Nangako ichichetekelo chobe ichambula imilimo, kuntu nebo nemilimo yanji nkokulanga ichichetekelo chanji.”

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.