Loma 4:21 - Chipangano Chabwangu

²¹ Achetekele ukwinekantu ukuti Lesa akuchita fyonse alayile.

Loma 4:21 ပူးပေါင်းရင်းမြစ်များ

Mateyo 19:26

Yesu alibalolekeshe nokusosa ati, “Nchi chaba ichafishe kubantu, kuntu tekuli Lesapo iyowo. Kuli Ye fyonse finakile.”

Luka 1:1

Mwe batemwekwa ba Teyofilasi, Abantu abenji balyeseshe ukulemba bwino-bwino ukuti balondolole ifintu ifyachitika pakati kesu.

Luka 1:37

Pakuba takwabapo ichili chonse ichingamukanga Lesa iyowo.”

Luka 1:45

Alishuka umwanakashi uwachetekela ukuti amashiwi Bashikulu basosa kuli ye akuchitika!”

Loma 14:4

Mba niwe nani uupingula umupyungi wamuntu umbi? Shikulu wakwe ewingeshiba nga achita bwino nangula afilwa. Nomba ndishibile ukuti akuchita bwino pakuti Bashikulu ebakumwafwilishako.

Loma 14:5

Umuntu umo kuti alanguluka ukwebati akasuba kamo kaliweme ukuchila inshinakwe. Elo umuntu umbi engalanguluka ukwebati inshiku shonse shalilingana. Echo umuntu onse alingile ukuchita ifyo ashininkisha mumutima wakwe.

Loma 8:38

Pakuba nalishininkisha ukwebati takupo nangu chimo ichakutulekanya kuchitemweko chaku Lesa. Nangu imfwa, nangu ubumi, nangu abangelo, nangu intungulushi, nangu ifintu ifiliko nangu ifyakwisa kuboneka, nangu ifyafiso ifili shani,

2 Kolinto 9:8

Lesa kuti amupela ishuko ukuchilapo ukuti lonse mulekwata ifyo mukabila nafimbipo ifyakubombelapo imilimo iiweme.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

Hebele 11:13

Bonse abantu mba balilamine ichichetekelo chabo ukushinta napamfwa yabo. Tabapokelelepo ifyo Lesa abalayile, kuntu balifibwenene apatali nokutemwa. Balishibile ukuti balwendo panonshi tebakwikalililapo.

Hebele 11:19

Abulahamu alichetekele ukwebati Lesa kuti abusha Isake kubafwa. Nomba twingasosa ukuti Abulahamu alipokele Isake kubafwa.