Loma 4:18 - Chipangano Chabwangu

¹⁸ Lesa asosele ati, “Abana bobe bakuba abenji.” Elo Abulahamu achetekele nangula chalikuboneka kubati tachayise kuchitika. Ye alikulolela nokuchetekela ukuti akuba ichikolwe chamitundu iyinji.

Loma 4:18 ပူးပေါင်းရင်းမြစ်များ

Luka 1:18

Sekaliya afumbile umungelo ati, “Nga kanshi ningeshiba shani ukuti mfi fyachine? Pakuti nebo ndimukote, umukashi wanji naye mukote.”

Imilimo ya batumwa 27:25

Efyo mwe balalume, koseni imitima! Pantu nachetekela Lesa ukuti fyonse ifyo anjebele fyakuchitika.

Loma 4:17

Nga mfilya Amalembo Apatulika asosa ati, “Nakulengele webo ukuba wishibo wamitundu yonse.” Ichilayo nchi Abulahamu achipokelele ukufuma kuli Lesa uyo achetekele. Engu Lesa uupela ubumi kubafwa, uwita ifitalabako nokufipela ubumi.

Loma 4:19

Ali apepi ukuba nemyaka umwanda, nomba tanenwikepo mukuchetekela ulo alikulanguluka ifyapamubili wakwe, uyo uwali kubati ulifwile kale. Nangula ichakwebati Sala ali ning’umba.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Loma 8:24

Pakuti muchichetekelo emo twapulushiwa. Nomba nga twachibona namenso icho tukolindila, mba chindo icho twakulindilila nakambi?

Hebele 6:19

Tulikwete ukulindila nku ukwambula ukutenkana nga chishintililo chabumi bwesu. Kulachingilila nakambi kwachine. Elo kulatufisha kumulu kuli Lesa ukupitila muchishintililo nokwinjila kunanda yaku Lesa Muchifulo Ichabutisha mukati.