Loma 4:17 - Chipangano Chabwangu

¹⁷ Nga mfilya Amalembo Apatulika asosa ati, “Nakulengele webo ukuba wishibo wamitundu yonse.” Ichilayo nchi Abulahamu achipokelele ukufuma kuli Lesa uyo achetekele. Engu Lesa uupela ubumi kubafwa, uwita ifitalabako nokufipela ubumi.

Loma 4:17 ပူးပေါင်းရင်းမြစ်များ

Mateyo 3:9

Elo mwilokuyibepapo mumitima yenu mwati, ‘Twaliba nashifwe Abulahamu. Nachine nkomweba ati, Lesa kuti aalula nga mabwe ukuti abe abana bakwa Abulahamu.’

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Imilimo ya batumwa 15:18

Efyo Bashikulu Lesa bakososa, abafisulwile mfi ukufuma nakukale.’”

Loma 3:29

Napo Lesa wa Bayuda benka? Te wabenafyalo nabo? Ina, wabenafyalo nabo.

Loma 4:18

Lesa asosele ati, “Abana bobe bakuba abenji.” Elo Abulahamu achetekele nangula chalikuboneka kubati tachayise kuchitika. Ye alikulolela nokuchetekela ukuti akuba ichikolwe chamitundu iyinji.

Loma 4:2

Kati Ye Lesa amulungamika pafintu ifyo achitile, kuti akwata ukuyitakisha, kuntu tepachinso chaku Lesa.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 9:11

Nangu ulo bampundu mba tabalafyalwa, ekwebati tabalachitapo ichiweme nangu ichibi ichili chonse, Lesa apekenye ukuti ukusalwa kwamwayiche kufikilishiwe.

Loma 9:26

Elo mufifulo umo baebelwe ati, ‘Tamuli abantu banji,’ emo bakwitwa ‘Abantu baku Lesa uwabumi.’”

1 Kolinto 1:28

Ifyo abantu balanguluka ukuba ifyabwaka, ifyamusalula, elo ifitakwetepo nakantu, mukwebati aonaule ifyo ichalo chilanguluka ukuba ifinenene.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

1 Timoti 6:13

Nomba nkokukonkobesha pamenso aku Lesa uupela ubumi kufintu fyonse, nelyaku Klistu Yesu uwapele bukamboni ubwakwebesha pachinso chakwa Pontiyo Pilato.

Hebele 11:12

Echo kumuntu umo Abulahamu, uyo wali kubati alifwile, mwalifumine chinkupiti wabeshikulu kubati nintandala nomusenga wamuli bemba.

Hebele 11:3

Muchichetekelo tuleshiba ukuti fyonse ifilipo fyalengelwe namashiwi aku Lesa. Echo ifintu ifiboneka fyapangilwe kufintu ifitaboneka.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

1 Petulo 2:10

Akale tamwalipo abantu baku Lesa, kuntu nomba muli bantu bakwe. Akale tamwapokelelepo ubwanshi, kuntu nomba mwalibupokelela.

2 Petulo 3:8

Mwe batemwekwa, pali chintu chimo icho tamulingile ukulabukilapo chakuti kuli Lesa akasuba kamo kali kubati myaka ikana limo, elo nemyaka ikana limo ili kubati kasuba kamo.