Loma 4:15 - Chipangano Chabwangu

¹⁵ Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 4:15 ပူးပေါင်းရင်းမြစ်များ

Yohane 15:22

Nga chakuti nshayishile nokusosa nabo nga tabali nako ukubifya. Nomba tabakwetepo ichakusosa pakubifya kwabo.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 5:13

Nachine ukubifya kwali muchalo ulo Amafunde tayalapelwa. Nomba apatali Amafunde, ukubifya takupendwapo.

1 Kolinto 15:56

Ulubola lwamfwa kubifya, nefiso fyakubifya fyafuma ku Mafunde ngalya.

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Galatiya 3:19

Mulandu ndo Amafunde apelelwe? Lesa apele Amafunde ukwebati abantu beshibe bubi bwabo, ukufikila ulo yakwisa imbuto njilya yakwa Abulahamu iyo Lesa alayile. Lesa apele Amafunde mubangelo nowakuwikishanya.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Kolose 3:6

Nipamulandu wafintu mfi epo ubukali bwaku Lesa bwishila pali bachitomfwa.

1 Yohane 3:4

Umuntu uuli onse uuchita ichibi alatoba ifunde lyaku Lesa, pantu ukubifya kutoba ifunde.

Ukufisulula 19:15

Mukanwa kakwe mwalifumine umwele uwatwa uwakuchimfishako ifyalo fyonse. Ifyalo mfi akufitungulula nenkonto yachela. Nakambi ewakunyantawila namuchikamino chawaini uwabukali bwaku Lesa Uwafiso fyonse.