Loma 4:14 - Chipangano Chabwangu

¹⁴ Kati icho Lesa alaya chalikupokelelwa kuli bo benka abalama Amafunde, kanshi ukuchetekela takukoyalulapo kantu nakambi nechilayo chaku Lesa chabwaka.

Loma 4:14 ပူးပေါင်းရင်းမြစ်များ

Loma 3:31

Napo chikoyalula ukwebati tulisulile Amafunde pamulandu wachichetekelo? Nangu panini. Ukuchilapo tulayakoselesha.

Loma 4:16

Echo ubulayo bwayimakene pachichetekelo ukwebati ubulayo mbu bushininkishiwe ukuba ubupe bwaku Lesa kubana bonse abakwa Abulahamu. Te kuli mbalya benka abalama Amafunde akwa Mosesi iyowo, kuntu nabo abachetekela kubati nimfilya Abulahamu achetekele. Pakuti Abulahamu echikolwe chesu tonse.

1 Kolinto 1:13

Napo Klistu alyabikana, bayi? Napo ni Paulo uwamusamikilwa pamutanshi? Napo nimwishina lyakwa Paulo mwabatishiwe?

Galatiya 2:21

Nakana ukusula ubwanshi bwaku Lesa. Nomba nga umuntu apokelelwa uwalungama kuli Lesa mukulama Amafunde, ekwebati Klistu afwile apabwaka.

Galatiya 5:4

Mwe bonse mwe bafwaya ukulungama ku Mafunde, mwayipatula mwenka kuli Klistu, elo mwasha ubwanshi bwaku Lesa.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Hebele 7:19

Pakuti Amafunde akwa Mosesi tayawamishepo umuntu nangu umo, kuntu muchifulo chamafunde nga tuli nokulindilila ukwachilapo. Elo nokulindila nku chichetekelo ichitupalamika kuli Lesa.

Hebele 7:28

Amafunde akwa Mosesi abikile abantu ukuti babe bachipupila bakulu. Nomba amashiwi ayo Lesa alapishe panuma yamafunde, abikile Umwana uwalungama ukuti abe Chipupila Mukulu uwamuyayaya.