Loma 4:11 - Chipangano Chabwangu

¹¹ Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

Loma 4:11 ပူးပေါင်းရင်းမြစ်များ

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Mateyo 8:11

Abenji bakwisa ukufuma kumutule-suba nakumbonshi nokwikala pamo na Abulahamu, Isake elo na Yakobe pamutebeto mubufumu bwakumulu.

Luka 19:9

Elo Yesu amwebele ati, “Nkano kasuba ipusukilo lili muli njino nanda, pantu ngu muntu, naye mwana wakwa Abulahamu.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 6:35

Yesu alibebele ati, “Nine mufuba uupela ubumi. Muntu onse uwisa kuli ne tayise kumfwapo insala iyowo, nangulya onse uwakunchetekela tayise kumfwapo ichilaka nakambi.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 6:47

Nachine nkomweba ati, umuntu uwanchetekela ali nobumi butashila.

Yohane 8:33

Bambi balimwasukile ati, “Fwebo tuli bana bamulupwa lwakwa Abulahamu, nakambi tatwatala atutekwapo ubusha kuli bambi. Mba nimwisa uloseshe pakusosa ati, ‘Mwakwisa kulubulwa?’”

Loma 10:11

Amalembo asosa ati, “Uyo onse uukochetekela muli Ye takomfwepo insoni.”

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 10:6

Nomba ifisosa Amalembo ukulingana nefyo Lesa alungamikilamo abantu kupitila muchichetekelo nimfi ifikoti, “Wilokuyifumba wenka ati, ‘Mba ninani wingakwela kumulu?’ (Ekwebati ukuleta Klistu panonshi.)

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

Loma 3:30

Chiweme, nomba kuli Lesa umo, uulungamika Abayuda pamulandu wachichetekelo chabo, nabenafyalo munshila imo yenka.

Loma 4:10

Nilisa nchi chachitikilwe? Napo ulo talashilimunwa nangula panuma yakushilimunwa? Chachitikile ulo talashilimunwa.

Loma 9:30

Nomba findo twakusosa? Abenafyalo tabalikufwayilisha ubulungami bwaku Lesa, kuntu Lesa alibabona nga abalungama ukupitila mukuchetekela kwabo.

Loma 9:33

Elo Amalembo asosa ati, “Boneni nebo nkobika libwe mu Siyoni, ilyo abantu bakuyitutwilako, ilibwe ilyakulenga abantu ukuwa. Nomba uyo uwakuchetekela muli Ye, takesepo kuba nensoni iyowo.”

Loma 9:6

Tanshikososapo ati Lesa tasungapo ichilayo chakwe iyowo. Pakuti te bonsepo abafyalilwa mumukowa wa Isilaeli ababa Abaisilaeli benenene iyowo.

2 Kolinto 1:22

akakatikapo ichishibilo chakwe, nokubika Mupashi Wabuta mumitima yesu ngechishininkisho chamfilya ifikoyisa.

Galatiya 3:22

Nomba Amalembo asosa ati ifintu fyonse fili mufiso ifyabubi, ukwebati uyo uuchetekela muli Yesu Klistu apokelele ishuko ilyo Lesa alayile.

Galatiya 3:29

Nga muli abaku Yesu, ekwebati muli bana abakwa Abulahamu abalinga ukupokelela ifyo Lesa alayile.

Galatiya 3:7

Kanshi mwishibe ukuti abachetekela ebana abenenene abakwa Abulahamu.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

Galatiya 6:16

Lesa abapele umutende nokubakwatila inkumbu bonse abakonka ukusambisha nku, ebantu bonse abaku Lesa.

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Ukufisulula 9:4

Elo shalikanishiwe ukuonaula isani, ifiti nangula ichimena ichili chonse. Shalisuminishiwe bwaka ukuchusha abantu abatakwetepo ichishibilo chaku Lesa pampumi shabo.