Loma 3:31 - Chipangano Chabwangu

³¹ Napo chikoyalula ukwebati tulisulile Amafunde pamulandu wachichetekelo? Nangu panini. Ukuchilapo tulayakoselesha.

Loma 3:31 ပူးပေါင်းရင်းမြစ်များ

Mateyo 15:6

talingilepo ukuchinshika bawishi iyowo. Echo pamulandu wakusambisha kwenu, mwasula amashiwi aku Lesa nokukonka ukusambisha kwenu.

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Mateyo 5:17

“Mulokulanguluka ukuti nayisa mukonaula Amafunde akwa Mosesi nokusambisha kwabasoseshi, kuntu mukufikilisha ifyalembwa.

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Luka 20:16

Akwisa kubepaya bonse nokupela ibala kubalimi bambi.” Ulo abantu baumfwile nchi, basosele ati, “Iyowo, tefyopo!”

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 2:20

umusambishi wabapuneme nabatayishiba. Ulashininkisha ukwebati Mumafunde ulasangamo umulangwe nokusambisha kwachine.

Loma 3:4

Nangu panini! Nomba abantu beshibe ukuti Lesa asosa ifyachine nangu abantu bonse babufi. Chili kubati nimfilya Amalembo asosa ati, “Ulingile ukuba wachine mukusosa kobe, nokuchimfya ulo bakokulubulwisha muchilye.”

Loma 3:6

Tefyopo. Nga muli Lesa tamwabapo bulungami, mba kuti apingula shani ichalo?

Loma 4:14

Kati icho Lesa alaya chalikupokelelwa kuli bo benka abalama Amafunde, kanshi ukuchetekela takukoyalulapo kantu nakambi nechilayo chaku Lesa chabwaka.

Loma 7:22

Nebo naliba nokusekelela mwifunde lyaku Lesa.

Loma 7:25

Ukutotela kube kuli Lesa muli Yesu Klistu Shikulu wesu! Elo chaba mfi: nebo nkofwaya ukukonka Ifunde lyaku Lesa nomutima onse, kuntu nomubili wanji nkofwaya ukukonka inshila yabubi.

Loma 8:4

Lesa achitile mfi ukuti ubulungami ubo ubukososwa na Amafunde akwa Mosesi, buboneke muli fwe. Echo tatwendapo kubati bantunse abatemwa ifyapanonshi, kuntu twatungululwa no Mupashi Wabuta.

1 Kolinto 9:21

Kuli bo abashikwetepo Amafunde, ndekala kubati nibo ukwebati mbanonke. Te kwebati nshikwetepo Amafunde aku Klistu.

Galatiya 2:19

Ukusosa ifya Mafunde, nalifwa pantu alinshinina. Nomba ndinobumi muli Lesa.

Galatiya 2:21

Nakana ukusula ubwanshi bwaku Lesa. Nomba nga umuntu apokelelwa uwalungama kuli Lesa mukulama Amafunde, ekwebati Klistu afwile apabwaka.