Loma 3:27 - Chipangano Chabwangu

²⁷ Chindo nomba twingayitakishishapo? Tapapo. Nipamulandu ndo? Napo nipakuti tukolama Amafunde? Iyowo, pakuti ichikulu kuli Lesa tenchito muntu achita, kuntu kuchetekela bwaka.

Loma 3:27 ပူးပေါင်းရင်းမြစ်များ

Maliko 16:16

Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Loma 10:5

Ukulabila ifyakupokelelwa nga abalungama mukunakila Amafunde, Mosesi asosele ati, “Uyo onse uukonka Amafunde akuba nobumi.”

Loma 11:6

Asalile pamulandu wabwanshi bwakwe, tepamilimo yabo iyowo. Nga chali pamilimo yabo, nga tabwali ubwanshi.

Loma 2:17

Webo, we uyita ukuti uli mu Yuda, ulashintilila pa Mafunde nokwitakisha muli Lesa.

Loma 2:23

We uuyitakisha mu Mafunde aku Lesa, napo tauletelapo Lesa insoni ulo utoba Amafunde nga?

Loma 3:19

Nomba tulishibile ukuti fyonse ifisosa Amafunde fisosa kuli bo abatungululwa na Mafunde pakuti bekwatapo akabepesho. Elo Lesa akubapingula bwino.

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

Loma 4:2

Kati Ye Lesa amulungamika pafintu ifyo achitile, kuti akwata ukuyitakisha, kuntu tepachinso chaku Lesa.

Loma 7:21

Epo nasanga ukuti ichikochitika chakuti ulo mfwaya ukuchita ifintu ifiweme, elo ifibi fili pali ne.

Loma 7:23

Nomba ndabona ifunde lipyunga mumubili wanji ililwisha ifunde lyaku Lesa ilyo nasuminamo. Ifunde limbi ndi likonka inshila yabubi. Engu uulenga ukuti mbe umusha wabubi.

Loma 7:25

Ukutotela kube kuli Lesa muli Yesu Klistu Shikulu wesu! Elo chaba mfi: nebo nkofwaya ukukonka Ifunde lyaku Lesa nomutima onse, kuntu nomubili wanji nkofwaya ukukonka inshila yabubi.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Loma 9:11

Nangu ulo bampundu mba tabalafyalwa, ekwebati tabalachitapo ichiweme nangu ichibi ichili chonse, Lesa apekenye ukuti ukusalwa kwamwayiche kufikilishiwe.

Loma 9:31

Nomba Abaisilaeli mbalya abalikufwaya kulungamikwa ukupitila mu Mafunde balifililwe.

Loma 9:32

Mba nipamulandu ndo? Nipamulandu wakwebati tabashintililepo pachichetekelo, kuntu pamilimo yabo. Echo bayitutwile kulibwe ilyo abantu bayitutwilako.

1 Kolinto 4:7

Mba ninani uwakupele ubukulu pali bambi? Napo fyonse wakwata tafyafumapo bwaka kuli Lesa? Webo wapelwe bwaka, mba kuti wayitutumuna shani kubati tawapelwepo bwaka?

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 3:22

Nomba Amalembo asosa ati ifintu fyonse fili mufiso ifyabubi, ukwebati uyo uuchetekela muli Yesu Klistu apokelele ishuko ilyo Lesa alayile.