Loma 3:25 - Chipangano Chabwangu

²⁵ Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

Loma 3:25 ပူးပေါင်းရင်းမြစ်များ

Yohane 6:47

Nachine nkomweba ati, umuntu uwanchetekela ali nobumi butashila.

Imilimo ya batumwa 14:16

Mumyaka yakale Lesa alekele imitundu yonse ukulomba umo balikufwayila.

Imilimo ya batumwa 15:18

Efyo Bashikulu Lesa bakososa, abafisulwile mfi ukufuma nakukale.’”

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 3:18

Ukuba enshila nji iyo Lesa apekenye ukufikilisha ifyo asosele ukupitila mubasoseshi bonse ukuti Klistu wakwe alinokuchula.

Imilimo ya batumwa 4:28

Bakumene ukuchita ifyo webo wapangile kale ukupitila mufiso nobufwayo bwako ukuti fichitike.

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Loma 5:18

Nomba kubati nimfilya ukubifya kwamuntu umo kwaletele imilandu kubantu bonse, munshila imo yenka, ubulungami bwamuntu umo bwaletele ukunakililwa amabifyo nokupelwa ubumi.

Loma 5:9

Mfi twishibile ati tuli abalungama ukupitila mumfwa yakwe, nachine Klistu akwisa tupulusha kubukali bwaku Lesa.

1 Kolinto 5:7

Fumyenipo ichimena ichakale ichabubi ukuti mube umufuba uwabwangu. Elo mwakuba umufuba wabwangu kubati nimfilya muli. Pakuti Klistu, Umwana Wambelele wesu uwa Chakulya Chakuchilila, alipayilwe kale nga ipupo.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:13

Nomba muli Klistu Yesu, mwebo abali ukutali na Lesa, muli apepi pamulandu wamfwa yaku Klistu.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

Hebele 10:4

Umulopa wang’ombe yalalume nowambushi tekuti ufutepo amabifyo.

Hebele 11:14

Abantu abasosa mfi, balaboneka ukuti bakofwaya ichalo chabo ichinenene.

Hebele 11:17

Muchichetekelo Abulahamu ali nokupela Isake nge chipupo ulo Lesa amweseshe. Nangu ali muntu uwo Lesa alayile, kuntu aliyipeleshe ukuti apele ichipupo umwana wakwe umo enka.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Hebele 9:5

Pamulu wambokoshi nji pali bakelibimu babili abali kulanga ubuchindami bwaku Lesa. Amapindo abo akupeme pankupiko yambokoshi mpalya balikunakililwa amabifyo. Kuntu nomba tenshita iyakulondolola bwino-bwino fyonse mfi tukososa mpa.

1 Yohane 1:10

Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 20:15

Elo bonse abatasangilwemo mwibuku lyabumi, baliposelwe muli bemba wamulilo.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.