Loma 3:20 - Chipangano Chabwangu

²⁰ Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 3:20 ပူးပေါင်းရင်းမြစ်များ

Imilimo ya batumwa 13:39

Echo mwishibe ukuti umuntu onse uchetekela Yesu alakakulwa kububifi bonse ubo Amafunde akwa Mosesi afililwe ukumufumyamo.

Loma 2:13

Pakuti Lesa tabonapo abantu nga balungama pakumfwa Amafunde iyowo, kuntu nimukuchita ifyo Amafunde afwaya.

Loma 3:28

Umuntu alalungamikwa na Lesa ukupitila mukuchetekela, te kulamapo Amafunde iyowo.

Loma 4:13

Ulo Lesa alayile Abulahamu nabana bakwe ukuti chalo chonse chakuba chabo, chalichitikilwe. Nomba tepamulandu wakweba ati Abulahamu asungile Amafunde. Nipamulandu wakuti achetekele Lesa, elo amulungamikile.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 5:13

Nachine ukubifya kwali muchalo ulo Amafunde tayalapelwa. Nomba apatali Amafunde, ukubifya takupendwapo.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Loma 7:11

Echo ububi bwasangile ishuko kwifunde, epo ukupitila mwifunde bwalimbepele nokunjipaya.

Loma 9:32

Mba nipamulandu ndo? Nipamulandu wakwebati tabashintililepo pachichetekelo, kuntu pamilimo yabo. Echo bayitutwile kulibwe ilyo abantu bayitutwilako.

1 Kolinto 15:56

Ulubola lwamfwa kubifya, nefiso fyakubifya fyafuma ku Mafunde ngalya.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 2:19

Ukusosa ifya Mafunde, nalifwa pantu alinshinina. Nomba ndinobumi muli Lesa.

Galatiya 5:4

Mwe bonse mwe bafwaya ukulungama ku Mafunde, mwayipatula mwenka kuli Klistu, elo mwasha ubwanshi bwaku Lesa.

Hebele 7:19

Pakuti Amafunde akwa Mosesi tayawamishepo umuntu nangu umo, kuntu muchifulo chamafunde nga tuli nokulindilila ukwachilapo. Elo nokulindila nku chichetekelo ichitupalamika kuli Lesa.