Loma 2:8 - Chipangano Chabwangu

⁸ Nomba bonse abafitala, abatomfwilapo nokuchita ifitalungama, Lesa akubapela umulandu mubukali bwakwe.

Loma 2:8 ပူးပေါင်းရင်းမြစ်များ

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 10:16

Nomba te bonse abapokelele Ubutumi mbu. Kubati nimfilya asosele umusoseshi Esaya ati, “Bashikulu, mba ninani uwachetekele ifyo tukobilisha?”

Loma 15:18

Nshakwatepo insoni ukusosa ifyo nkochita ukupitila muli Klistu ulo nkolonganya abenafyalo ukwebati banakile Lesa. Nkochita mfi mukusambisha namumilimo,

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

Loma 9:22

Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

1 Kolinto 11:16

Nomba nga umbi akofwaya ukutalika, nebo kuti namwasuka ukwebati fwebo pamo nefilonganino fyaku Lesa, tatukwetepo akafuto kambi.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

Galatiya 5:20

ukulomba tungosa wakubasa nobuloshi, ukupatana, umufimbila, ichipyu, ukuyitemwa, ukupatukana,

Filipi 1:17

Nomba mbalya abakubalilapo, tababilishapo ifyaku Klistu mukwebesha. Baba bwaka abayitemwa abene, elo bafwaya ukunundilapo amachushi ulo ndimuchifungo.

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

Taitasi 3:9

Nomba mutalukeko kufikansa, ulunkonena lwafikolwe, ukulaka nokusula amafunde. Mfi fyonse tafilingilepo nakambi tamupo bupilibulo iyowo.

Hebele 10:27

Mpa tapapo ichishele nachimbi iyowo, kulindila bwaka nomwenso ubupingushi nomulilo uutinya uyo ukonaula ifipondo fyaku Lesa.

Hebele 11:8

Muchichetekelo Abulahamu alyumfwile ulo Lesa amwitile ukuti aye kuchalo chimbi icho amulayile ukuti akumupela. Alifuminemo kuchalo chakwe nangu tayishibilepo uko alikuya.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

Yemusi 3:14

Nomba kati muli nomutima uwabufuba nokuyitemwa, mwilokuyitakishapo nangula ukutalikishanya pafyachine mukubepa ubufi.

Yemusi 3:16

Pantu apali ubufuba nokuyitemwa, pali ifimfulunganya nemilimo yonse iibi.

1 Petulo 3:1

Namwe mwe banakashi, nakilileni abalume benu, ukwebati nga kuli bamo abatomfwa Amashiwi aku Lesa, muleke imyendele yenu ibaalulule. Tapalingilepo ukusosa amashiwi,

1 Petulo 4:17

Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

Ukufisulula 14:10

ye akunwako kuli waini uwabukali bwaku Lesa ubo akupongolwela mulukombo lwakwe nefiso fyonse. Bonse abakochita mfi bakuchushiwa kumulilo nakusilubale pachinso chabangelo ababuta no Mwana wambelele.

Ukufisulula 16:19

Umushi ukulu ngulya waliyakene patatu, elo nemishi yonse yachalo yalionayikile. Lesa alilangulukile umushi ukulu uwa Babiloni nokuunwesha ulukombo lwawaini ulwabukali bwakwe.