Loma 2:7 - Chipangano Chabwangu

⁷ Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 2:7 ပူးပေါင်းရင်းမြစ်များ

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Luka 21:19

Mube abakosele, elo mwakwipulusha mwebene.

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Yohane 4:36

Umuntu uukolobolola ulalipilwa mumulimo wakwe nakambi akalobolola ifitwalo fyabumi butapwa. Epo umuntu uubyala nangulya uulobolola bakwisa kusekelela pamo.

Yohane 5:44

Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Loma 2:10

Nomba Lesa akupela ubukata, umuchinshi nomutende kuli bonse abachita ifiweme, ukwambila ku Bayuda elo nakubenafyalo.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

Loma 9:23

Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.

1 Kolinto 15:42

Fyakuba mfi ulo abafwa bakubuka. Umubili bashika mwiloba ulabola, nomba pakubuka kubafwa wakuba uutangabolapo.

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

Galatiya 6:9

Echo twinakapo ukuchita ifiweme pakuti panshita iilingile twakusepa nga tatunakilepo.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

2 Timoti 1:10

Nomba Lesa alitufisulwila mfi mukwisa kwa Mupulushi wesu Klistu Yesu, engu uwachimfishe ifiso fyamfwa nokulanga ubumi butashilapo ukupitila mu Butumi Bwawama.

Hebele 2:7

Pakanshita kanini mwalimuchefeshe kubangelo, kuntu nomba mwamuchinshika nokumupela ubufumu.

Hebele 6:12

Tatukofwayapo ukuti mube abanang’ani iyowo, kuntu mube kubati nimbalya abakupokelela ifyo Lesa alayile ukupitila mukuchetekela nokuteka imitima yabo.

Hebele 6:15

Elo Abulahamu alilindile mukutekanya. Echo alipokelele ifyo Lesa amulayile.

1 Yohane 2:25

Nchi echo Klistu umwine alayile ukutupa, ubumi bwamuyayaya.