Loma 2:6 - Chipangano Chabwangu

⁶ Pakuba Lesa akwisa kupela ichilambu kumuntu ukulingana nemilimo achitile.

Loma 2:6 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Loma 14:22

Ifyo ukochetekela pali mfi fintu fibe pakati kobe na Lesa. Alishuka uyo uutakayikapo pafintu ifyo eshibile ukwebati filingilwe ukuchita.

1 Kolinto 3:8

Umuntu uubyala nowitilila balilingana. Echo Lesa akulambula umo-umo pali bo ukulingana nomulimo uwo apyungile.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 11:15

Echo techakushimbwishapo kati mwabona abapyungi bakwa Satana bakoyifungushanya nokuboneka kubati bapyungi babulungami. Kumupwilo bakwisa kupokelela ukulingana nefyo bachitile.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

2 Timoti 4:14

Alekisanda umufushi alichitile ifibi ukwinekantu. Bashikulu bakumulambula ukulingana nefyo achitile.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.

Ukufisulula 20:12

Penkapo nalibwene abafwa, abakulu nabayiche, balimakene pantanshi yamupando wabufumu ngulya. Elo amabuku aliswilwe. Kwalipo nalimbi ibuku ilyayiswilwe, ibuku ilyabumi. Abafwa mbalya balipingwilwe ukulingana nefyo bachitile, kubati nimfilya chalembelwe mwibuku ndilya.

Ukufisulula 22:12

Yesu asosele ati, “Boneni, nakwisa bwangu! Nakwisa nechilambu chandi mukupela umuntu umo-umo ukulingana nemilimo yakwe.