Loma 2:5 - Chipangano Chabwangu

⁵ Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

Loma 2:5 ပူးပေါင်းရင်းမြစ်များ

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 9:22

Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

2 Tesalonika 1:5

Fyonse mfi filanga bwaka ukuti ubupingushi bwaku Lesa bwachine. Elo chamulinga mwebo ukuba abamubufumu bwaku Lesa ubo mukochulilamo nomba.

Hebele 3:13

Nomba mulokukoseleshanya inshiku shonse ulo kuli inshita iyo amashiwi aku Lesa asosa ati, “Lelo.” Mulokuchita mfi ukutina ukuti ububi bungachenjeleka uuli onse muli mwebo nokumulenga uwakosa umutima.

Hebele 3:15

Amalembo akososa ati, “Nga mwaumfwa lelo amashiwi aku Lesa, mwikoshapo imitima yenu, kubati nimfilya ifikolwe fyenu fyachitile.”

Hebele 4:7

Pamulandu ngu Lesa alibikile akasuba kamo ako akoyita ukuti, “Lelo.” Lesa alikusosa pakasuba kenka nka ukupitila muli Davide. Ulo papitile imyaka iinji, elo asosele pa Malembo nga tusoselepo kale ayakuti, “Lelo nduno nga mwaumfwa amashiwi aku Lesa, mwikoshapo imitima yenu.”

Yemusi 5:3

Golide na silubale wenu fyalikwa kundalawa. Elo indalawa nshi shakupela bukamboni ubwakumupingula mwebo. Shakonaula umubili wenu kubati mulilo. Mwalonganya ububoni bwenu munshiku nshino ishakupelako.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

2 Petulo 3:7

Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

Yuda 1:6

Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.

Ukufisulula 2:21

Nalimupele inshita yakuti alapile, nomba tafwayapo ukulapila nokusha ubulale-lale bwakwe.

Ukufisulula 6:17

Echo akasuba kabukali bwabo kalifikile, mba ninani uwingalwishanya nako?”