Loma 2:4 - Chipangano Chabwangu

⁴ Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 2:4 ပူးပေါင်းရင်းမြစ်များ

Loma 10:12

Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

Loma 11:22

Nomba mwishibe ukuti Lesa wankumbu, elo mukali. Mukali kuli bo abawa, kuntu wankumbu kuli mwebo chikulu tamusulapo inkumbu shakwe. Nga chakuti mwasula, akumuputulako.

Loma 11:33

Ama, ati ukukula ubuchindami bwaku Lesa! Mba ninani uungaulinga umulangwe namano akwe? Ninani uwingalondolola ukufwaya kwakwe? Elo ninani uwingomfwikisha inshila shakwe?

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

Loma 6:1

Mba findo twakusosa nomba? Napo twakutwalilila ukubifya ukuti ubwanshi bwaku Lesa bufulileko?

Loma 6:15

Mba findo nomba? Napo tutwalilile ukubifya pantu tatukotungululwapo na Mafunde kuntu ubwanshi bwaku Lesa? Nangu panini!

2 Kolinto 8:2

Abantu bafilonganino mfilya bayeshiwe ukwinekantu kumachushi, nomba tabalekelepo ukusekelela kwabo. Echo balipele namaboko abili nangu bali abachula ichine.

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:4

Nomba Lesa wankumbu ukwinekantu nakambi alitutemwa ukuchilapo.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Efeso 3:16

Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Filipi 4:19

Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

1 Timoti 1:16

Nomba Lesa alimbele inkumbu pakuti muli ne emo Klistu Yesu alangile ukuteka-umutima kwakwe konse. Alikufwaya ukuti ne mbifi mbe ichakubwenapo kuli bo bonse abakuchetekela pakuti bakabe nobumi ubutapwa.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.

2 Petulo 3:3

Pakwamba mwishibe ukwebati panshiku shakulekelesha kwakwisa bamulengulwila, abakonka ifibi fyabo.

2 Petulo 3:9

Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.

Ukufisulula 2:21

Nalimupele inshita yakuti alapile, nomba tafwayapo ukulapila nokusha ubulale-lale bwakwe.

Ukufisulula 3:20

Boneni ndimakene pamulyango nokukonkosha. Nga umuntu aumfwa ishiwi lyanji nokwisulako ichiibi, nakwinjila munanda yakwe, elo nebo naye twakulila pamo.