Loma 2:29 - Chipangano Chabwangu

²⁹ Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Loma 2:29 ပူးပေါင်းရင်းမြစ်များ

Luka 11:39

Elo Yesu asosele ku Mufalisi ngulya ati, “Mwebo mwe Bafalisi, musamfya kunse yankombo nembale, nomba mukati kenu mwayiula bwaka ubuchenjeshi nobusali.

Luka 17:21

Takupo uwingeba ati, ‘Boneni, tembuno!’ Nangula, ‘Mbulya mpalya!’ Pantu Ubufumu bwaku Lesa buli mukati kenu.”

Yohane 12:43

Batemenwe ukuchinshikwa nabantu ukuchila ukuchinshikwa na Lesa.

Yohane 4:23

Nomba inshita ikoyisa, nanomba ilifikile kale, ulo abamulomba mukwebesha bakalomba Bata kufiso fyaku Mupashi Wabuta ukubati niumo afwayila. Ukulomba ukwinenene uko Bata bafwaya.

Yohane 5:44

Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 2:27

Echo abatashilimunwa abalama Amafunde, ebakwisa kupela umulandu mwe bashilimunwa, elo abakwete na Mafunde, kuntu mukoatoba.

Loma 3:1

Napo Abayuda balichilapo pabenafyalo? Nangula mukushilimunwa, chinshi twingabwenamo?

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

1 Kolinto 7:19

Ukushilimunwa nangu ukutashilimunwa takwalulapo kantu. Ichikulu kulama Amafunde aku Lesa.

2 Kolinto 10:18

Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

1 Tesalonika 2:4

Pali nchi, tusosa ifyo Lesa afwaya inshita yonse pantu alitupingula ukuba abenenene nokubika umulimo wa Butumi Bwawama muli fwebo. Tatusekeshapo bantu iyowo, kuntu Lesa uwesha amalangulushi esu.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.