Loma 2:16 - Chipangano Chabwangu

¹⁶ Echo nomba, ukulingana no Butumi Bwawama ubo mbilisha, mfi efyo chakwisa kuba muli nkalya kasuba ulo Lesa, ukupitila muli Yesu Klistu, akwisa kupingula ifyamubumfishi fyonse ifyaba mumitima yabo.

Loma 2:16 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Luka 8:17

“Chonse ichafisama chikaletwa apabuta, nachonse ichafunikilwa chikesa kufimbulwapo nokuba apabuta.

Yohane 12:48

Muntu onse uukonkana nokutapokelela amashiwi anji, eko ali uwakwisa kumupingula. Amashiwi ayo nsosele eyakwisa kumupingula pakasuba kakumupwilo.

Imilimo ya batumwa 10:42

Nakambi Yesu atwebele ukusambisha Ubutumi Bwawama kubantu ukubeba ati eye Lesa asala ukuti abe kapingula wabantu abomi nabafwa.

Imilimo ya batumwa 17:31

Pantu Lesa alipekanya kale akasuba akupingwilamo abantu bonse abamuno chalo mumulinganya ukupitila mumuntu uyo asontele. Lesa alangile kubantu bonse ukuti eye asala ulo amubushishe kubafwa.”

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

Loma 3:6

Tefyopo. Nga muli Lesa tamwabapo bulungami, mba kuti apingula shani ichalo?

1 Kolinto 15:1

Mwe bawesu, nkofwaya ukumwibukishapo Ubutumi Bwawama ubo namushimikileko. Mwali bupokelele nokwimakaninapo ndi muchichetekelo chenu.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

Galatiya 1:11

Mwe bawesu, kamwebe ukuti Ubutumi Bwawama mbu nsambisha tabwafuminepo kumuntu.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

2 Timoti 2:8

Languluka Yesu Klistu uyo uwabushiwe kubafwa, uwamukowa wakwa Davide, ukubati nimulya nshimika mu Butumi Bwawama.

2 Timoti 4:1

Pachinso chaku Lesa nechaku Klistu Yesu uyo uwakupingula abomi nabafwa, nkokukonkobesha, pamulandu wakwisa kwaku Klistu napabufumu bwakwe, ukuti

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Hebele 9:27

Umuntu uuli onse alinokufwapo limo, elo panuma kupingulwa.

1 Petulo 4:5

Mba bantu bakwisa londolola benka umulandu wabo kuli Lesa, uwayipekanya ukulubulwisha abomi nabafwa.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.